ಒಗ್ಗರಣೆ

ಒಗ್ಗರಣೆ ಬೇಕು ಮಾತಿನ ಚಕಮಕಿಗೆ
ಕೆಲವೊಮ್ಮೆ ಹಾಸ್ಯವಾಗಿ ಕೆಲವೊಮ್ಮೆ
ಮಾತಿನ ಗಮ್ಮತಿಗೆ ಎಣ್ಣೆ ಸುರಿಯುವ ಹಾಗೆ
ಸಣ್ಣ ನಗುವಿನ ಗುಳಿಗೆ ಮನಸ್ಸಿಗೆ ತಾತ್ಕಾಲಿಕ ಚಿಕಿತ್ಸೆ

ಕೆಲವರದ್ದು ಮಾತಿನ ಒಗ್ಗರಣೆ ಉತ್ಸಾಹದ ಚೆಲುವೆ
ಕೆಲವರದ್ದು ಗಾಯದ ಮೇಲೆ ಉಪ್ಪು ಸುರಿಯುವ ಹಾಗೆ
ಕೆಲವರದ್ದು ಮುನ್ಸೂಚನೆಯ ಕೇಂದ್ರ  ಬಿಂದು
ಕೆಲವರದ್ದು ಟೊಂಕ ಕಟ್ಟಿ ಜಗಳಕ್ಕೆ ನಿಲ್ಲುವ ಯಮ ನುಡಿ
ಒಗ್ಗರಣೆ ಬೇಕು ಮಿತಿ ಇದ್ದರೆ ಅಮೃತ ಅತಿ ಆದರೆ ಆಪತ್ತು

ಕಣ್ಣ ಸನ್ನೆಯಲ್ಲೇ

ಕಣ್ಣ ಸನ್ನೆಯಲ್ಲೇ ಮಾತಾಡಿದಳು ಮೌನ ಗೌರಿ
ಮನದ ಭಾವನಾ ಲಹರಿಯ ಬಿಚ್ಚಿಟ್ಟಳು ಕಣ್ಣ ರೆಪ್ಪೆಯಲ್ಲಿ
ನಾಚಿಕೆಯ ಕಡಲಿನಲ್ಲಿ ಮುಳುಗಿ ಅವಳ ಮೂಗುತಿಯೊಂದೇ ಮಾತಾಡುತಿತ್ತು
ಕಾಲುಬೆರಳುಗಳು  ಚಕ್ರವ್ಯೂಹವ ರೂಪಿಸಿತ್ತು ಕಾಲ್ಚೈನು
ಒಂದೇ ಸಮನೆ ಮಾತಾಡುತಿತ್ತು ಮೌನ ಮುರಿಯದೆ

ಅಹಂಕಾರ

ಹಸಿರಿನ ತೋಟಕ್ಕೆ ಬರೆ ಎಳೆಯುವ
ದುಸ್ಸಾಹಸ ಯಾಕೆ ಎಂಟಾಣೆ ಬದುಕಲ್ಲಿ
ಕಾದಿದೆ ಎಲ್ಲರಿಗೂ ಸಾದಿಸೋ ದಾರಿ
ನಿಮ್ಮ ಜಯದ  ಕೊರಳು ಉರುಳಾಗದಿರಲಿ
ಖುಷಿಯ ಕೊಡೊ ಅಕ್ಷಯ ಪಾತ್ರೇಯಾಗಲಿ

ಅಹಂಕಾರ ಬೇರೆಯವರ ಆಹಾರ
ದೋಚದಿರಲಿ ಮುನ್ನಡೆಸೋ ಗುಣವೊಂದೇ
ದಕ್ಕಿಸುವುದು ನಿಮ್ಮ ಕೈ  ಸೇರೋ ಆಭರಣ
ಅಡ್ಡಿ ಪಡಿಸೋ ಜನರಿಗೆ ಕಾದಿದೆ
ಅಡ್ಡಾದಿಡ್ಡಿ ಏರುಪೇರು ಅಂತ್ಯ 

ಆರಂಭ

ನನ್ನ ಆರಂಭ ಶತ ವೇಗದ ಆರಂಭ ಎಂದೂ
ಹಿಂದೆ ತಿರುಗದೆ ಜಯದ ನಾಗಾಲೋಟ ಮುಟ್ಟುವ ತನಕ
ವೈರಿಯೂ ಕೂಡ ನೆರಳು ಮುಟ್ಟದಂತ ಮುನ್ನುಗ್ಗುವ ವೇಗ
ಇತಿಹಾಸವ ಸೃಷ್ಟಿಯೋ ಹೊಸ ಕನಸಿನ ಆರಂಭ
 
ಆರಂಭ ಹೊಸ ಕನಸಿನ ಬೇಟೆಯ ಕಂಗೆಡಿಯೋ ಆಯುಧವಾಗಲಿ
ಆರಂಭ ಹೊಸ ಅನ್ವೇಷಣೆಗೆ ಅಡಿಪಾಯವಾಗಲಿ 
ಆರಂಭ ಹೊಸ ಸಮಾಜದ ನಾಂದಿಯಾ ಸಂಕೇತವಾಗಲಿ
ಆರಂಭದ ಉತ್ತರವೂ ನೀನೆ  ಕೊನೆ ಮುಟ್ಟೋಸೋ ಅಂಬಿಗನು ನೀನೆ

ಸೋಲನ್ನೇ ಸೋಲಿಸೋ ಸರದಾರನಾಗಿ ಮುನ್ನುಗ್ಗು ಗೆಲುವು ನಿನ್ನದೇ 
ನಿನ್ನದೇ ಅಧಿಪತ್ಯ ನಿನ್ನ ನಾಗಾಲೋಟದ ವೇಗಕ್ಕೆ 
ಜಯವು  ನಿನ್ನದೇ ನಿನ್ನ ಅನನ್ಯ  ಪಥದಲ್ಲಿ  ಸಾಗುತ್ತಿರಲು 
ಹೆಳೆಯ ಸೋಲುಗಳನೆಲ್ಲಾ ಮುಚ್ಚಿ ಹೊಸ ದಿಗಂತಕ್ಕೆ ಮುನ್ನುಗ್ಗುವ ಆರಂಭ

ಕುಸುಮದ ಹಾದಿ

ಸಾಸಿವೆಯ ಹಾದಿ ಹಿಡಿದು ಉತ್ತಮ ಮಾರ್ಗ ಸೇರುವ
ಮೂರಂಕಿಯ ಜೀವನಕ್ಕೆ ಬೇಕು  ಪ್ರಶ್ನಾತೀತ ಪ್ರಾರಂಭ
ಇತಿಹಾಸದ ಪುಟ ಸೇರಲು ದೂರವಾಗಬೇಕು ನಕಾರಾತ್ಮಕ
ಚಿಂತನೆಗಳ ಕಣಜ ಸೇರಿಸುವ ವಿಷ ಜಂತುಗಳ ಸುಳಿಯಿಂದ

ತಟಸ್ಥ

ಪ್ರಪಂಚವೇ ಸಾಗರವಾಗಿ ಅಲೆಗಳೇ
ಹುಲಿಗಳಾಗಿ ನಮ್ಮೆನ್ನೆಲ್ಲ ಸೆಳೆದರೆ
ಎಲ್ಲಿಗೆ ಓಡಿ ಹೋಗುವುದು
ಅಲೆಗಳ ನಡುವೆ ನಿಲ್ಲುವ ಊರಾವುದಿದೆ

ಬದುಕಿನ ಅಲೆ

ಬದುಕ ತೇರಿಗೆ ಸುಖ ದುಃಖಗಳೇ  ಅಲೆ
ಮುಖದ ಕನ್ನಡಿಗೆ ನಗುವನ್ನೋ ಅಲೆ
ಕಾಣದ ನೋವಿಗೆ ಕಣ್ಣೀರಿನ ಅಲೆ
ಸಾಧನೆಯ ಹಾದಿಗೆ ಯಶಸ್ಸಿನ ಅಲೆ

ಬಣ್ಣದ ಕಲ್ಪನೆಗೆ ಭಾವನೆಯೇ ಅಲೆ
ಸೂಜಿ ಹಂಬಲದ ಶಕ್ತಿಗೆ ಮನೋಬಲವೇ ಅಲೆ
ಬಂದಿಯಾದ ಮನಸ್ಸಿಗೆ ಪ್ರೀತಿಯೇ ಅಲೆ
ಹೃದಯಗಳ ಬೆಸುಗೆಗೆ ನಂಬಿಕೆಯೇ ಅಲೆ

ಮೌನ ಮರೆಯಾಗಿ

ಮೌನ ಮರೆಯಾಗಿ
ಕನಸು ದೂರಾಗಿ
ಪಯಣ ಹೊರಟಿದೆ
ಹೊಸ ಪರ್ವವ ಹುಡುಕುತ

ಆರಂಭ ನಂಗಿಲ್ಲ
ಬಿಟ್ಟೋಗೋ ಬದುಕಲ್ಲಿ
ನೂರೆಂಟು ನೋವೊಂದೇ
ನಂದಾಗಿ ಉಳಿದಿದೆ

ಕಣ್ಣೊರೆಸೋ ಕೈಗಳು
ಯಾವದೀನ್ನು ಉಳಿದಿಲ್ಲ
ಕಪ್ಪು ಬಿಳುಪು ಬಣ್ಣವೊಂದೆ
ಕೊನೆಯಲ್ಲಿ ಗುರುತಾಗಿದೆ

ಅತಿ ಆಸೆ ಗತಿಗೆಡಿಸಿ
ಮೂಲೆಗುಂಪು ಮಾಡಿದೆ
ಮನಸ ಮೌಲ್ಯಕ್ಕೆ ಬೆಲೆಕಟ್ಟೋ
ಜನರಲ್ಲಿ ಕಣ್ಣೀರ ಕಂಥೆಗೆ ಬೆಲೆಯುಂಟೆ 

ಕನ್ನಡಿ ತೋರುವ ಮುನ್ನುಡಿ

ಕನ್ನಡಿ ತೋರುವ ಮುನ್ನುಡಿಗೆ
ಹಿನ್ನಡೆ ಆದರೆ ಯಾರು ಹೊಣೆ
ಸೋತರು ಗೆದ್ದರು ಕಾಣುವ ಛಾಯೆ ಒಂದೇ
ಆತ್ಮ ಸಾಕ್ಷಿಯೊಂದೇ ಹೇಳಬೇಕು ನಿಜದ ಬೆಲೆ

ಮೋಸ ಮಾಡಿ ಮಂಟಪ ಕಟ್ಟಿ ಕುಣಿದರೇನು
ಮೇಲೊಬ್ಬ ಕುಳಿತಿಹನು ಗ್ರಹಗತಿಯ ಎಣಿಸುತ್ತ
ಗ್ರಹಚಾರ ಕೆಟ್ಟರೆ ಕೊನೆಗಾಲ ದಂಡೆತ್ತಿಬರುವುದು
ಬೇಗೇಳೋ ಮಹರಾಯ ಶತಮಾನ ಮುನ್ನುಗ್ಗಿ ಹೋಗುತಿಹುದು

ಬಕೆಟ್ ಜೀವನ

ಅಳು ಬರದೆ ಅಳುಮುಂಜಿಯಾಗೋದು  ನಗು ಬರದೆ ಹಸನ್ಮುಖಿಯಾಗೋದು
ಬೇರೆಯವರಿಗೆ ಮೆಚ್ಸೋಕೆ ಮಾತಾಡೋದು ಡೋಂಗಿ ಆಗಿ ಬದುಕೋದು
ಕಂಡ ಕಂಡೋರಿಗೆಲ್ಲಾ ಮೇಲೆ ಎತ್ತಿ ಎತ್ತಿ ಕೆಡುವೋದು
ಕಲರ್ ಕಲರ್ ಬಕೆಟ್ ಹಿಡಿಯೋದು ಗುಂಡಿಗೆ ಕೆಡುವೋದು
ಬಕೆಟ್ ಯಾವತಿದ್ರು ಬಕೆಟ್ ಸಣ್ಣ ತೂತು ಆದ್ರೆ ನಿಮ್ ಬಕೆಟ್ ಕಥೆ ಗೋವಿಂದ

ಖಾಲಿ ಹಾಳೆ

ಖಾಲಿ ಹಾಳೆಯಲ್ಲಿ ಮರೆತು ಹೋದ ಹೆಳೆಯ ನೆನಪ ಹೆಕ್ಕುತ್ತಾ
ಮೈಮರೆತು ನಕ್ಕ ದಿನಗಳ ಮೂಟೆಯ ಬಿಚ್ಚಿದಾಗ ಮನಸ್ಸಲ್ಲಿ 
ಬಾನಿನ  ಮೇಲೆ  ತೇಲಾಡುವ ಸಂತೋಷದ ಹಕ್ಕಿ ಮರಿಯು ನಾನಾದೆ
ಮನದಲೊಂದು ಹೃದಯ ಸ್ಪರ್ಶಿ ಗೀತೆಗೆ ಮುನ್ನುಡಿ ಬರೆದೆ

ನಕ್ಕೆ ಬಿಟ್ಟಳು

ನಕ್ಕೆ ಬಿಟ್ಟಳು ಅದ್ಬುತ ಸುಂದರಿ 
ಮತ್ತೆ ತಿರುಗಿ ನೋಡುವ ಹಾಗೆ
ನಕ್ಕೆ ಬಿಟ್ಟಳು ಗುಳಿ ಕೆನ್ನೆಯ ಸ್ವಪ್ನ ಸುಂದರಿ
ನಿಂತಲ್ಲೇ ನನ್ನ ಸವಾಗುವ ಹಾಗೆ

ನಿನ್ನ ನಗುವಿನಲ್ಲೇನೋ ಮಾಟವಿದೇ ಪರವಶನಾದೆ
ನಿನ್ನ ನಗುವಿನ ಲೋಕದಲ್ಲಿ ಕಳೆದೋಗಿ
ನಿನ್ನ ಮನಮೋಹಕ ನಗುವಿನ ಬೇಟೆಗೆ ನಾ ಬಲಿಯಾದೆ
ನಿನ್ನ ಮುಗುಳುನಗೆಯಲ್ಲಿ ಬಂದಿಯಾದೆ

ಶೂನ್ಯ

ತಿಳಿ ಸಂತಸದ ಸಂಭ್ರಮಕ್ಕೆ ಶೂನ್ಯ ತನದ ಆಡಂಬರ ಸಾಕಲ್ಲವೇ
ಬಲಾಡ್ಯನನ್ನು ಮಣಿಸಲು ಶೂನ್ಯ  ತನದ ವಿಶ್ವಾಸವೊಂದೇ ಆಯುಧವಲ್ಲವೇ
ಕೋಟಿ ಕೋಟಿ ಕಟ್ಟಿಟ್ಟರೇನು ಶೂನ್ಯ ಸುಖದ ಮುಂದೆ ಹೊತ್ತೊಯ್ಯುವರೇ
ಶೂನ್ಯ ಆಲೋಚನೆಗೆ  ಕೊಡಲೇಬೇಕಿಲ್ಲ ಕಪ್ಪಾ ಕಪ್ಪೆಚಿಪ್ಪಿನಲ್ಲೂ ಸಿಗಬಹುದು ಮುತ್ತಿನ ಹರಳು
ಕತ್ತಲ ಒಳಗಿರುವವರಿಗೆ ಬೆಳಕಿನ ಚಿಂತೆ ಶೂನ್ಯದಿಂದ ಶುರುವಾದ ಪಯಣ ಶೂನ್ಯಕ್ಕೆ ಅಂತ್ಯ  

ಖಾಲಿ ಜೇಬಿನ ಪ್ಯಾಂಟು

ನೂರೆಂದು ನಂಟು ಖಾಲಿ ಜೇಬಿನ ಪ್ಯಾಂಟಿನಲ್ಲಿ
ಬಗೆದಷ್ಟೂ ನೋವು ಖಾಲಿ ಜೇಬಿನ ಪ್ಯಾಂಟಿನಲ್ಲಿ
ಹೊಸ ಉತ್ಸಾಹದ ಚಿಲುಮೆ ಖಾಲಿ ಜೇಬಿನ ಪ್ಯಾಂಟು
ಯೋಚನೆಗೆ ಯೋಜನೆಗೆ ರಹದಾರಿ ಖಾಲಿ ಜೇಬಿನ ಪ್ಯಾಂಟು
ಯಶಸ್ವಿ ಕಥೆಯ ಮುಖ್ಯ ತಿರುವು ಖಾಲಿ ಜೇಬಿನ ಪ್ಯಾಂಟು

ಕಣ್ತೆರೆ

ಒಮ್ಮೆ ಕಣ್ತೆರೆದು ಓದು ಜಗದ ಜ್ಞಾನ  ಪುಸ್ತಕದ ಬಂಡಾರದೊಳಡಗಿದೆ
ಒಮ್ಮೆ ಕಣ್ತೆರೆದು ನೋಡು ಪ್ರಪಂಚದ  ಸೊಬಗು ಶೂನ್ಯ ಶಾಂತದ ಪರಿಸರದಲ್ಲಿದೆ
ಒಮ್ಮೆ ಕಣ್ತೆರೆದು ಪಯಣಿಸು ಹೊಸ ತಂತ್ರಜ್ಞಾನದ ಗಾಳಿಯ ಜೊತೆ ಸಾಗಲು
ಒಮ್ಮೆ ಕಣ್ತೆರೆದು ಜೊತೆ ಸಾಗು ಬಲ್ಲವರ ಜೊತೆ ಬದುಕ ಬದಲಾವಣೆಗಾಗಿ
ಕಣ್ತೆರೆ ಒಮ್ಮೆ ಕಣ್ತೆರೆ ನಿನ್ನ ನಿಂಗುವ ಆಗು ಹೋಗುಗಳ ಗುಟ್ಟನು ತಿಳಿಯಲು
ಒಮ್ಮೆ ಕಣ್ತೆರೆದು ನೋಡು ನಿನ್ನಲ್ಲಿದೆ  ಜಗವ ನಿಯಮ ಬದಲಿಸೋ  ನೀತಿ

ನನ್ನೂರು

ಏರಿ ಮೇಲೊಂದು ಊರು
ಮನೆಯ ಸುತ್ತೆಲ್ಲ ಸೂರು
ಎಳ್ಳಷ್ಟೂ ಬಗೆದರೆ ಸಿಹಿನೀರು
ಕತ್ತಲ ಕಾಡಲ್ಲಿ ನಿಂತಿದೆ ನನ್ನೂರು
ಖುಷಿಯ ಕಡಲಿದು ನನ್ನ ತವರೂರು

ಬಣ್ಣದ ಚಿಟ್ಟೆ

ಹಾರುತ್ತಿದೆ ಬಣ್ಣದ ಕಾಮನಬಿಲ್ಲು ತನ್ನ ವೈಯಾರವ ಬಿಚ್ಚಿ
ತನ್ನದೇ ಏಕಾಂತ  ತನ್ನದೇ ಮೂಕ ಲೋಕದ  ಮಾಯಾ ಜಾಲ
ಮಗದೊಮ್ಮೆ ನೋಡಲೇ ಬೇಕೆನಿಸುವ ಸುಂದರ ಬಣ್ಣದ ತೇರು
ಯಾವ ಗಾಳಿಗೂ ಅಂಜದೆ ಹಾರುತ್ತಿರುವೆ ಮನಸೋ ಇಚ್ಛೆ

ಹಾರುತ್ತಿದೆ ಬಣ್ಣದ ಕಾಮನಬಿಲ್ಲು ತನ್ನ ವೈಯಾರವ ಬಿಚ್ಚಿ
ನಿನ್ನ ಬಣ್ಣಕ್ಕೆ ನಾ ಮನಸೋತೆ  ಪ್ರತಿ ದಿನವೂ  ಹಂಬಲಿಸಿದೆ
ನಿನ್ನ ಹಿಡಿಯಲು ನನ್ನ ಬಾಲ್ಯವ  ಪಣಕಿಟ್ಟೆ ಸಿಕ್ಕಿದ್ದು ಮಾತ್ರ
ನಿನ್ನ ಖುಷಿಯ ನೆನಪುಗಳ ಮೂಟೆ  ನನ್ನ ಜೀವನದಂಗಡಿಗೆ

ಮುಗಿಲ ಮೇಲೊಂದು ಸುಳ್ಳು ಬಾವುಟ

ಮುಗಿಲ ಮೇಲೊಂದು ಸುಳ್ಳು ಬಾವುಟ 
ಹಾರಿಸಿ ಬಿಟ್ಟೆ ಕಾಮನಬಿಲ್ಲನ್ನು ಬಾಡಿಗೆ ಪಡೆದು 
ದೀರ್ಘಕಾಲದ ಖುಷಿಗೋಸ್ಕರ ಮಗದೊಮ್ಮೆ 
ಕಣ್ಮುಚ್ಚಿ ನಿಂತೇ ಸೂಜಿ ಸುಳ್ಳಿನ ಮರವನು ಏರಿ 

ಬದುಕ ಭಾರ

ನಡುಕ ತಡೆದು ನುಗ್ಗಿ ನಡೆದು ಜಯದ ಬಾಗಿಲ ತೆರೆಯಲೇ
ಬದುಕ ಭಾರ ಬದಿಗೆ ಒತ್ತಿ ಹೇಡಿಯಾಗಿ ಓಡಿ ಹೋಗಲೇ
ಸುಳ್ಳು ಖುಷಿಯ ಹಿಗ್ಗಿ ಮೆರೆದು ಬದುಕ ದೂರ ಮರೆಯಲೇ
ಕಾಲ ಚಕ್ರದ ದೂಳ ಅರಿಯದೆ ಬಿದ್ದು  ಕೊಚ್ಚಿ ಹೋಗಲೇ

ಮುತ್ತಿನ ಹನಿ

ಆಗದ ಹೋಗದ ಮುಗಿಯದ ಮನಸ್ಸಿನ ಭಾವಕ್ಕೆ
ಹರಿಯದ ಅಂಗಿಯ ತೊಡಿಸಿ ಹೊಸ ಬಟ್ಟೆಯು
ಬೇಕೆಂದರೆ ಮನದ ತಿಕ್ಕಲಾಟಕ್ಕೆ ಹೊಣೆ ಯಾರು
ಅಲೆಗಳ ಹುಡುಕಿ ಅಲೆದಾಡುವ ನಮಗೆ
ಕಣ್ಣಲ್ಲಿ ಬರುವ ಮುತ್ತಿನ ಹನಿಗೆ ಬೆಲೆಯಿಲ್ಲವೇ 

ನಿಶಬ್ದ

ಮಳೆಯ ಸೋಗಿಗೂ ಮಳೆಯ ಸೂರಿಗೂ ತನ್ನದೇ ಇಂಪಿದೆ
ಹಳೆಯ ಹಾಡಿಗೂ ಹಳೆಯ  ಸಾಹಿತ್ಯಕ್ಕೂ ತನ್ನದೇ ಕಂಪಿದೆ
ಕೋಗಿಲೆಯು ಕವಿಯಾಗುವುದು  ಅದರಭಿರುಚಿಯ ಮನಗಂಡಾಗ
ನಿಶಬ್ದವೆ ಮಂಟಪವಾಗುವುದು ಮೌನ ಸೆಳೆದಾಗ

ಕಗ್ಗತ್ತಲು

ಶೂನ್ಯ ಶೃಂಗಾರದ ನೈಜ ಶಕ್ತಿಯ ಅವಾಸ್ತವಕ್ಕೆ ಕೃತಕ ಅರಿವೇ ಕಾರಣ
ಉತ್ತಮ ಯೋಚನೆಯ ಅಡೆತಡೆಗೆ ಅಪ್ರಬುದ್ದತೆಯೇ  ಅಡ್ಡಿಗಾಲು
ದೃಢ ಕಾರ್ಯದ ಯಶಸ್ಸಿನ ಹಿನ್ನಡೆಗೆ ನಕಾರಾತ್ಮಕತೆಯೇ ಮೂಲ
ಸಾಧನೆಯ ಸಾವಿಗೆ ಮನಸ್ಸಿನ ದುರ್ಬಲತೆಯೇ ಗುರಿಯಿರದ  ಬಾಣ  

ಉತ್ತಮ ನಿರ್ದೇಶಕ

ವರ್ಣರಂಜಿತ ಬಾಳ ಪುಸ್ತಕದ ಮುನ್ನುಡಿಗೆ ಬೇಕು
ಬಣ್ಣದಲಂಕಾರದ   ಹೊಳಪನು ನೀಡುವ ದಿಕ್ಸೂಚಿ
ಬದುಕ ಬಾಣಲೆಯಲ್ಲಿ ತೇಲಾಡಿ ಹೊರಬರಲು ಬೇಕು
ಪರದೆಯ ಸರಿಸಿ ಉತ್ತಮ ನಿರ್ದೇಶನ ನೀಡುವ ನಿರ್ದೇಶಕ

ಹುಚ್ಚು ಕುದುರೆ

ತಿರುಗಿ ತಿರುಗಿ ಹೊರಟೆ ಬದುಕ ಚಿಹ್ನೆಯ ಹುಡುಕುತ
ಉತ್ತರದ ಗುಟ್ಟು ಅರ್ಥೈಸುತ್ತಿಲ್ಲ ನನ್ನ ಶಬ್ದ ಬಂಡಾರದ ಒಳಗೆ 

ಪ್ರತಿ ದಿನದ ನೂಕು ನುಗ್ಗಲಲ್ಲಿ ಗೋಚರಿಸದೆ ಕಣ್ಮರೆಯಾಗಿದೆ

ಭಾವನೆಗಳಿಗೂ ಬೀಗಹಾಕಲಾಗುತ್ತಿಲ್ಲ ಏರು ಪೇರಾದ
ಮನಸ್ಸಿನ ನಾಗಾಲೋಟದಲ್ಲಿ ಬೇರೂರಿ ತಳಕಾಣದಂತೆ ಹುದುಗಿ
ಕಲ್ಪನಾತೀತ ಕಡಲ ಬೆನ್ನೇರಿ ಸಿಡಿದೇಳುತ್ತಿದೆ ಹುಚ್ಚು ಕುದುರೆ

ಅವಲಕ್ಕಿ

ತುಸು ಮೀರಿದ ಸಮಯ ನನ್ನಿಂದಾಗದು
ಬೆಳಗಿನ ಉಪಹಾರದ ತಯಾರಿ
ತುಸು ವೇಗದಲ್ಲೇ ಹೊಳೆಯಿತು
ಮಿಂಚಿನ ಚುರುಕುತನ ಅದರ
ಕಾರ್ಯವೈಖರಿಯಿಂದ ಹೊರಬಂದಿದ್ದೆ
ಅವಲಕ್ಕಿ ಕಲಸೋದು ತಿನ್ನೋದು 😀😀😀😀

ಕಟ್ಟುಪಾಡು

ಹಳೆಯ ಕೊಂಡಿಯಲ್ಲಿ ಹಳೆಯ ಕಥೆಯ ಬಗೆದು ಬಗೆದು ತೋಡಿ
ಅಲ್ಪ ತೃಪ್ತಿಗೆ ಖುಷಿಯ ಕಂಡು ಮುಂದಿನ ನಡೆಯ ಮುಚ್ಚಿ
ಬದುಕ ಕಟ್ಟುವ ಕಥೆಯಲ್ಲಿ ಎರವಲು ಸೂತ್ರವ ಸುತ್ತಿಕೊಂಡು
ಜೀವನದ ಗಾಡಿಯ ತಳ್ಳುವ ಕೃತಕ ಕಾರ್ಯಾಗಾರ

ಗಾಳಿಪಟ

ಪಟ ಪಟನೆ ಹಾರುತಿದೆ ಗಾಳಿಪಟ
ಸಣ್ಣ ದಾರದ ಕೈಯ ಸುರುಳಿಯಿಂದ
ಎಂತದೋ ಆತ್ಮಸ್ಥೈರ್ಯ ಮೋಡಮುಟ್ಟುವೆನೆಂದು
ಸ್ಥಿರತೆಯೊಂದೇ ಸವಾಲು ಸಿಕ್ಕ ಅವಕಾಶವ
ಬಿಡದೆ ಮೇಲೇರಿ ಗಗನ ಮುಟ್ಟಲು

ಆಶಾ ದೀಪ

ಮೀನುಗುತ್ತಿದೆ ಆಶಾದೀಪ ಗತಕಾಲದ ವ್ಯಾಕರಣದ
ಹಳೆಯ ಪುಟದ ಸಮಿಕರಣದ ಸಮತೋಲನದಿಂದ
ಚಿಲ್ಮೆಯು ಚಿಮ್ಮುತ್ತಿದೆ ಪ್ರತಿ ಹನಿಯ ಒಡಗುಡಿಕೆಯಿಂದ
ಪ್ರತಿ ದಿನದ ಮೌಲ್ಯಕ್ಕೆ ಹಿಂದಿನದು ಹೆದ್ದಾರಿ
ಮುಂದಿನ ನಡೆಯೊಂದೇ ನಿನ್ನ ಭಂಡಾರದ ಬಾನಾಡಿ

ಕೃಷಿಕ

ಭೂಮಿ ತಾಯಿಯ ಹಸಿರಿನ ಸೇವಕ
ಎಂದೂ ದಣಿಯದೆ ದುಡಿಯುವ ದೈನಿಕ
ಜೀವ ಉಳಿಸೋ ಬೆಳೆಯ ಬೆಳವ ದನಿಕಾ
ದೀಪ ಬೆಳಗೋ ಹೊಲದ ನಡುವೆ
ಬೆವರ ಸುರಿಸೋ ರೈತನ ಮಗ

ನಾನು ಕೃಷಿಕ ಕೃಷಿಯೇ ನನ್ನ ಖುಷಿ
ಬದುಕ ಬವಣೆ ಬದಿಗೆ ಒತ್ತಿ
ಹಸಿರ ಉಳಿಸೋ ಭರತ ಭೂಮಿ ಹೆಮ್ಮೆಪುತ್ರ
ನಡೆಯುತಿಹುದು ಬಾಳಚಕ್ರ ಸಮಯ ಏಣಿಸದೆ
ಕೈಗೆ ಬರುವ ಫಸಲಿನಲ್ಲಿ ನನ್ನ ಉಸಿರು ಅಡಗಿದೆ

ಕಂದ

ಮತ್ತೆ ಕಂದನಾಗುವ ಆಸೆ ನನಗಿಂದು ಅನಿಸಿದೆ
ಹಿಂದಿನದು ನೆನೆಪಿಲ್ಲಾ ಇಂದಿನದು ಹೊಳಪಿಲ್ಲ
ಎಲ್ಲಾ ಆಟಿಕೆಗಳು ನನಗೆ ಬೇಕು ನನ್ನ ನಗುವು ಎಲ್ಲರಿಗು ಬೇಕು
ಮನಸಲ್ಲಿ ಹುರುಳಿರಲಿಲ್ಲ ತುಂಟಾಟಿಕೆಗೆ ಬರವಿರಲಿಲ್ಲ

ಗಿಡ ಗಂಟೆಗಳು ನಾಚಿದ್ದವು ನನ್ನಯ ಸ್ಪರ್ಶಕ್ಕೆ
ಹಕ್ಕಿಗಳು ಹತ್ತಿರಾಗುತ್ತಿದ್ದವು ನಾ ಕಟುಕನಲ್ಲವೆಂದು
ಆಕಳ ಕರುವು ಮುದ್ದಿಸಿತ್ತು ತನ್ನ ಹಗ್ಗವ ಕೈಜಾರಿಸುವೆನೆಂದು
ಚಂದಮಾಮನು ಜೊತೆಗಾರನಾಗಿದ್ದ ನನ್ನ ಕುಡಿ ನೋಟದ ನಗುವಿನಿಂದ

ಸಂವೃದ್ದಿ

ಹಸನಾಗಲಿ ಬಾಳು ಹಸಿರೆಲೆಯ ತೋರಣದಂತೆ
ಮಿನುಗಲಿ  ಬಾಳ ಜ್ಯೋತಿ  ಎಂದೂ ಆರದ ಜಗಜ್ಯೋತಿಯಂತೆ
ಈಡೇರಲಿ ಇರುವೆ ಆಕಾರದ ಇಷ್ಟಗಳು ಆನೆ ಆಕಾರದ ಆಸೆಗಳು
ಮುಗಿಲು ಮುಟ್ಟಲಿ ನಿಮ್ಮ ಗುರಿ ಗುರುತ್ವಾಕರ್ಷಣೆಯ ಮೀರಿ

ಸಾಗಲಿ ಬಾಲ ಪಯಣದ ತೇರು ತೀರವ ಮುಟ್ಟುವ ತನಕ
ಯಾರಿಗೂ ಅಂಜಬೇಕಿಲ್ಲ ನಿನ್ನ ರಥವು ನಿನ್ನ ಕೈಮುಷ್ಟಿಯಲ್ಲಿರಲು
ಮೊಳಗಲಿ ನಿನ್ನದೇ ಆರ್ಭಟ  ನಿನ್ನ ಉತ್ತುಂಗಕ್ಕೇರಿಸುವ ಹಾಗೆ
ಕೈ ಜಾರದು ಎಂದೂ ನಿನ್ನ ಕಾಯಕ ನಿನ್ನ ಕೈಯಲ್ಲಿರಲು

ಅಮ್ಮ

ನನ್ನ ಬಾಳ ಕಥೆಯ ಬರೆದವಳು ನೀನು
ನಿನ್ನ ಉಸಿರು ಕೊಟ್ಟು ನನ್ನ ಧರೆಗೆ ತಂದವಳು ನೀನು 
ಬಳಪವ ಹಿಡಿಸಿ ಅಕ್ಷರವ ಬರೆಸಿದವಳು ನೀನು
ಸೋತಾಗಲು ಗೆದ್ದಾಗಲೂ ಜೊತೆ ಇದ್ದವಳು ನೀನು
ನನ್ನ ಬದುಕ ಪುಸ್ತಕದ ಮೊದಲ ಮುನ್ನುಡಿಯು ನೀನು

ನಿನ್ನ ಸಹನೆಯ ದೀಪಕ್ಕೆ ನಾನೆಂದು ಬತ್ತಿಯು ಆಗಲಾರೆ
ನಿನ್ನ ಪ್ರೀತಿಯ ಕಣಜಕ್ಕೆ ನಾನೆಂದು ಇಲಿ ಆಕಾರದ ಆನೆ
ನಿನ್ನ ವಾತ್ಸಲ್ಯದ ಶಿಖರಕದಲ್ಲಿ ನಾನೊಂದು ಸಣ್ಣ ಕಲ್ಲು
ನಿನ್ನ ಕರುಣೆಯ ಕಡಲಿಗೆ ನಾನೊಂದು ಸಣ್ಣ ಜರಿಯಾದರು ಸಾಕು
ನಿನ್ನ ಸಿಟ್ಟಿನ ಸಿಡಿಮದ್ದಿಗೆ ನನ್ನ ಸಣ್ಣ ನಗುವೊಂದೇ ನಿಷ್ಕ್ರಿಯದಳ


ನನ್ನ ಜೀವನದ ಮೊದಲ ಎರಡಕ್ಷರವು ನೀನು
ನನ್ನ ಬಾಳ ಪಯಣದ ಆರಂಭ ಗೀತೆ ನೀನು
ನನ್ನ ಮೊದಲ ಮಾತು ನಿನ್ನದೇ ಹೆಸರು
ನನ್ನ ನೋವಲ್ಲು ಪ್ರತಿ ಪೆಟ್ಟಿನ ಆಕ್ರಂದನ ದನಿಯಲ್ಲೂ
ನಿನ್ನದೊಂದೇ ಹೆಸರು ಅಮ್ಮ ನನ್ನಮ್ಮ
ಅಮ್ಮಂದಿರ ದಿನದ ಶುಭಾಶಯಗಳು 🙂

ಬಿಡದೆ ಕಾಡಿದೆ ಬೆಡಗಿಯ ನೋಟ

ಬಿಡದೆ ಕಾಡಿದೆ ಬೆಡಗಿಯ ನೋಟ
ಬಡಗಿಯೂ  ಕೆತ್ತದ ಶಿಲ್ಪವು ನನ್ನಲ್ಲಿ ಅರಳಿದೆ
ಅರಳುವ ಹಿಂದೆ ನನ್ನ ಮನದ ಸೆಳೆತಕೆ ಮುನ್ನುಡಿಯಾದೆ
ನೀ ಕೆಳಬಾರದೇ ವರ್ಣರಂಜಿತ ಸ್ವಪ್ನ ಸುಂದರಿಯೂ ಯಾರೆಂದು
ನಾ ಹೇಳಿದರು ಹೇಳದಿದ್ದರೂ ಉತ್ತರವು ನೀನೊಬ್ಬಳೇ ಎಂದೆಂದೂ.

ಮದರಂಗಿ

ಚಂದದ ಕೈಯ ಮೇಲೊಂದು ಬಣ್ಣದ ಆಭರಣ
ಕೃತಕವಾದರೂ ಅದರ ಕೃಷಿಯಲ್ಲಿ ಏನೋ ಚಳಪಿದೆ
ನೋಡಿದವರೆಗೆಲ್ಲ ಹೊಸ ಸಂಭ್ರಮದ ಸಿಂಚಲನ
ಕಾಮನಬಿಲ್ಲೆ  ಸೋಲುವುದು ನಿನ್ನ ಕೈಬಣ್ಣದ ಛಂದಸ್ಸಿನಿಂದ

ಜನ್ಮದ ನಂಟು

ಪ್ರೀತಿಯ ಮಜಲಿದು ಎತ್ತಲೆತ್ತಲಿಂದಲೋ ಬಂದೆ
ನನ್ನ ಜೀವನದ ಒಂಟಿತನಕ್ಕೆ ಉತ್ತರವ ತಂದೆ
ಅಂಕುಡೊಂಕಾದ ಪಯಣಕೊಂಡು ಕೊಂಡಿಯಾದೆ
ಬೆಸೆದುಕೊಂಡಿದೆ ಜನ್ಮ ಜನ್ಮದ ಅನುಬಂಧದ ನಂಟು 

ಬಾಳೆಗಿಡ

ಕಿತ್ತುತಂದೆನ ಬಾಳೆ ಹಿಳ್ಳಿನ  ಮರಿಯೊಂದನು
ಆನಂದದಿಂದ ಗುಂಡಿಯ ತೋಡಿ ನೆಟ್ಟಿದ್ದೆ ನೆಟ್ಟಿದ್ದು
ಹುಂಕರಿಸಿ ಹುಂಕರಿಸಿ ಗೊಬ್ಬರವ ಹಾಕಿದ್ದೆ ಹಾಕಿದ್ದು
ಮೂಕು ಹೋರಾಡಲು ಶುರುವಾಯಿತು ಮುಗಿಲು ಮುಟ್ಟಿತು ನನ್ನಯ ಆಡಂಬರ
ಫಲವ ತಿನಲು ಹೋಗಿ ಇರುವ ಹಲ್ಲು ಮುರಿದು ಕೊಂಡೆನು
ಅದಕ್ಕೆಲ್ಲ ಕಾರಣ ಒಂದೇ ನಾನು ನೆಟ್ಟಿದ್ದು ಕಲ್ಲು ಬಾಳೆ ಗಿಡ 

ಬುಗುರಿ

ಬಾಲ್ಯದಲ್ಲೊಂದು ಆಟ ಮರದ ಚಕ್ಕೆಯ ಕತ್ತರಿಸಿ
ಅದಕ್ಕೊಂದು ಆಕಾರವ ಕೊಟ್ಟು  ಮೂಗುದಾರವ ತೂರಿಸಿ
ಕೈಯಲ್ಲಿರುವ ಬಾರವನ್ನೆಲ್ಲ ಒತ್ತಿ ಭೂಮೀಯ ಮೇಲೆ ತಿರುಗಿಸಿ
ಅಕ್ಕ ಪಕ್ಕದವರಿಗೆ ಗುನ್ನವ ಹಾಕಿ ನಾ ಪನ್ನ ಎಂದು
ಕೇಕೆ ಹಾಕಿ ನಕ್ಕಂತಹ ಆಟವೇ ನನ್ನಯಾ ಬುಗುರಿಯ ಆಟ 

ತಿರುವು

ಮಧ್ಯರಾತ್ರೀಯಲ್ಲೊಂದು ಚಿಂತೆ
ಇಂದು ಕರಗಿತ ನಾಳೆ ಶುರುವಾಯಿತಾ
ಇಂದು ಮಾಡಿದಾದ್ದರೇನು ನಾಳೆ ಮಾಡುವುದಾದರೇನು
ಎಣಿಸುವ ಮೊದಲೇ  ನಿದ್ದೆಗೆ ಜಾರಿತು ಯಾವ ತಿರುವಿಲ್ಲದೆ.

ಭಂಡ

ಜಗತ್ತೆಲ್ಲ  ಮುನ್ನುಗಿ ಹಾರಾಡುತ್ತಿದೆ ನಾನಿನ್ನು ಕೂತಲ್ಲೇ
ತಟಸ್ಥನಾಗಿರುವೆ   ಬರವಿಲ್ಲದ ನಿದ್ದೆ ಸುದ್ದಿಯಾದರೇನು ಸಿದ್ದಿ ಸಿಗದಿದ್ದರೇನು
ಸಾವಂತೂ ಖಚಿತ ಮೂರಂಕಿ ಜನಕ್ಕೂ ನಾನಾರು ಎಂದು  ತಿಳಿದು
ಯಾರಿಗೆ ಸಿಗುವುದು ಈ  ಮೂರ್ಖಾಸು ಭಂಡತನದ ಸಾವು

ಗುರುತ್ವಾಕರ್ಷಣೆ

ಜೀವನ ಅನ್ನೋ ಗುರುತ್ವಾಕರ್ಷಣೆಯಲ್ಲಿ
ಪ್ರೀತಿ ಅನ್ನೋದು ಕಲ್ಲು ಇದ್ದ ಹಾಗೆ
ಎಷ್ಟು ಸಲ ಬೇಡ ಅಂತ ಆಕಾಶಕ್ಕೆ ಎಸೆದ್ರು
ಮತ್ತೆ ಮತ್ತೆ ಭೂಮಿ ಕಡೆ ಪಯಣ ಬೆಳೆಸತ್ತೆ
ಪ್ರೀತಿ ಬೆಲೆಯನ್ನ ನಮಗೆ ತಿಳಿಸಿ  ಕಣ್ತೆರೆಸತ್ತೆ
                                                  ಸಂಕೇತ್ ಮಂಚಾಲೆ-ಹಾರೊಗೊಪ್ಪ 

ಅ ಆ ಇ ಈ ಪ್ರೀತಿ

ಪ್ರೀತಿಸು ಎಂದು ಹಠ ಹಿಡಿದಿದೆ ಈ ಮನಸ್ಸು
ಕಾಣಿಸುವಂತಹ ಕಾಮನಬಿಲ್ಲಿನ ಆಚೆ ನಿಂತು
ಕೃತಕ ಭಾಷೆಗೆ ತಲೆದೂಗಲ್ಲ ಪರಿಪೂರ್ಣ ಮನಸ್ಸು  
ನಿಬ್ಬೆರೆಗಿಸುವಂತಹ ಹೊಸ ಕಲ್ಪನೆಯ  ಸೃಷ್ಟಿಸೋ ಜಾಡು ನನ್ನದಲ್ಲ
ಅಂತರಂಗದಲ್ಲೇ ಅರಳಿದೆ ನನ್ನ ಪ್ರೀತಿಯ ನಿವೇದೇನೆಗೆಂದು 

ಹುತಾತ್ಮ ಪ್ರೇಮಿ

ನನ್ನರಸಿ ಬಂದ ನನ್ನಾಕೆಯ ಹೃದಯಕ್ಕೆ ನೀನಿಟ್ಟ ಕೊಳ್ಳಿಗೆ
ಇಂದೆಲ್ಲ ನಾಳೆ ನಾನೆ ಬಲಿಯಾಗುವೆ ಆದರೂ
ಒಂಚೂರು ಆತಂಕವಿಲ್ಲ ಒಂಚೂರು ಅಂತರಾತ್ಮಕ್ಕೆ ಮರ್ಯಾದಿಯಿಲ್ಲ
ಆದರೆ  ನಾನೊಬ್ಬ ಪುಕ್ಸಟ್ಟೆ ನೋವನ್ನು ಅನುಭವಿಸುವ ಹುತಾತ್ಮ ಪ್ರೇಮಿ

ಹುಡುಕಾಟ

ನಿನ್ನೆಯ ಮೊನ್ನೆಯದಲ್ಲಾ ಹುಡುಕುತನಿಹೆನು ನಾನು
ಜನ್ಮ ತಾಳಿದ ದಿನದಿಂದ  ಚೂರು ಬಿಡುವಿಲ್ಲದೆ
ಯಾವ ಹುಡುಕು ಎಂದರಿಯದೆ ಹುಡುಕನಿಹೆನು ನಾನು
ಎಂದು ನಿಲ್ಲುವುದೋ  ಈ ನನ್ನ ಹುಡುಕಾಟ
ಸಿಗಲಾರದ ಬಿಡಿಸಲಾರದ ಹುಡುಕಾಟದ ಕೊಂಡಿಯ ಭೇದಿಸಿ    

ಪ್ರಥಮ ಪ್ರಯತ್ನದಲ್ಲೇ ಪರಿಚಿತನಾದೆ

ಪ್ರಥಮ ಪ್ರಯತ್ನದಲ್ಲೇ  ಪರಿಚಿತನಾದೆ
ಪಾರದರ್ಶಕನಾಗುವ  ಪರಿಪೂಣತೆಯಲ್ಲಿ
ಪ್ರತಿಫಲನಹೀನವಾಗಿ ಪರಾರಿಯಾದೆ

ಚುಕ್ಕಿ

ಗುರಿ ಇಟ್ಟು ಹೊಡೆದೆ ನಾ ಆ ಚುಕ್ಕಿಗೆ 
ಮೂಡಿತು ಬಣ್ಣದಲಂಕಾರದ ವೈಯ್ಯಾರ 
ಎಣಿಸಲು ಹೊರಟಿದ್ದೆ ಆ ದಿನ
ಗಣಿತದ ಲೆಕ್ಕಾಚಾರವ ಬುಡಮೇಲು ಮಾಡಿ

ಅರಗಿಣಿ

ಅಂದದ ಅರಗಿಣಿಯ  ಅಡಗಿಸಿಟ್ಟಿರುವೆ  ಅರಮನೆಯಲ್ಲಿ
ಚೆಂದದ ಬಟ್ಟೆಯ ತೊಡಿಸಿ ಪಂಜರದಲ್ಲಿ ಕುಣಿಯಲ್ಲಿಟ್ಟಿರುವೆ
ಅಂದದ ಅರಗಿಣಿ ನಸುನಕ್ಕಿತು ನನ್ನಯ ವೈಭವೀಕರಣಕ್ಕೆ ನೊಂದು
ನಾ ಪಡೆದು ತಂದ ಬಟ್ಟೆಯ ಕಿತ್ತು ನಿನ್ನಯ ಅಂತಸ್ತು ಖುಷಿಯ ಕೊಟ್ಟೀತೇ ನನಗೆ

ಸೀದಾ ಸಾದಾ ಸೃಷ್ಟಿಯಲ್ಲಿ ಸುಮ್ಮನೆ ಸುತ್ತಿ ಸಾಕಾಗಿದೆ

ಮೊದಲ ಸಲ ಸ ಅನ್ನೋ ಒಂದು ಅಕ್ಷರ ಇಟ್ಟುಕೊಂಡು ಕವನ ಕಟ್ಟುವ ಕೆಲಸ
"
ಸೀದಾ ಸಾದಾ ಸೃಷ್ಟಿಯಲ್ಲಿ ಸುಮ್ಮನೆ ಸುತ್ತಿ ಸಾಕಾಗಿದೆ
ಸಾವಿಗೂ ಸಾರ್ಥಕತೆಯಿಲ್ಲ ಸಾಧನೆ ಸುಳ್ಳಾಗಿರಲು
ಸಂಖೆಯ ಸರಿಪಡಿಸಲು ಸಾವಿರಾರು ಸನ್ನಿವೇಶಗಳು
ಸಿರಿತನದ ಸೆರೆಮನೆಯಲ್ಲಿ ಸಾಸುವೆಗೂ ಸೆಣೆಸಾಟ
"

ಮನಸ್ಸಿನ ಮಣೆಯ ಬಡಿದು ಕೇಳಿದೆ

ಮನಸ್ಸಿನ ಮಣೆಯ ಬಡಿದು ಕೇಳಿದೆ
ಏತಕೆ ನೀ ಇಂದು ಕಾರ್ಯಹೀನವಾಗಿರುವೆ 
ನನಗುತ್ತರಿಸಿತು ಅದು ಮರುಳ ಕಾಣದ 
ಕತ್ತಲ ಕೋಟೆಯಲ್ಲಿ ನಿನ್ನ ನೀ ಬಂದಿಸಿರುವೆ
ಸುತ್ತಲೂ ಆಗುಂತಕರು ನಿನ್ನ ಬ್ರಹ್ಮಾಂಡದ ಕುರುಹಿನಲಿ ...

ಒಂದರಲ್ಲಿ ಕುಶಿ ಇತ್ತು ತುಂಟತನ ಇತ್ತು

ಚಿಕ್ಕಂದಿನ ಚಡ್ಡಿಯಲ್ಲಿದಾಗ ಹಳ್ಳಿಯಲ್ಲಿದೆವು 
ಪ್ಯಾಂಟ್ ಬಂದಾಗ ಪ್ಯಾಟೆ ಸೇರಿದ್ದೆವು
ಒಂದರಲ್ಲಿ ಕುಶಿ ಇತ್ತು ತುಂಟತನ ಇತ್ತು 
ಮತ್ತೊಂದರಲ್ಲಿ ಮೀಸೆ ತಿರುಗಿಸುವ ಗಸ್ತು ಇತ್ತು.

ಕಾದು ಕಾದು ಸಾಕಾಗಿದೆ ಹಳೆಯ ಪುಟದ ಪದಗಳ ಹೆಕ್ಕಿ

ಕಾದು ಕಾದು ಸಾಕಾಗಿದೆ ಹಳೆಯ ಪುಟದ ಪದಗಳ ಹೆಕ್ಕಿ
ಹಳೆಯ ಕಥೆಯ ಕೊರೆಯಲು ಪಾತ್ರಗಳು ಪಾತ್ರೇಸೇರಿವೆ
ಹೊಸ ಕಥೆಯ ಪಾತ್ರಗಳಿಗೆ ವೇಶೆಗಳು ಸಿಗುತ್ತಿಲ್ಲ
ಭೂನಾದಿಯ ಮಟ್ಟದಲ್ಲೇ ಭೂತ ಎದುರಾಗಿದೆ.