ಮುನಿಸದಿರು ಅವಳ ಮೃದು ಅವಳ ಹೃದಯ

ಮುನಿಸದಿರು ಅವಳ  ಮೃದು ಅವಳ ಹೃದಯ
ತಣಿಸದಿರು ಅವಳ ಕನಸುಗಳ ಗೋಪುರ
ಸಂತೈಸುತ್ತಿರು ಅವಳ ಸೋಲುಗಳ ಜೊತೆಯಾಗಿ
ನಿನ್ನವಳು ಅವಳು ನಿನಗಾಗಿ ಅವಳು

ಹಿಗ್ಗಿನಿಂದ ಸಾಗು ಅವಳು ನಿನ್ನವಳೆಂದು
ಪ್ರೀತಿಯ ಸಾಗರವ ಹೊತ್ತವಳು ಅವಳು
ತವರಿನ ಕೊಂಡಿ ಬಿಟ್ಟು ಬಂದವಳು ಅವಳು
ನಿನ್ನವಳು ಅವಳು ನಿನ್ನೊಬ್ಬನೆ ಅವಳಿಗೆ

ಮೂಕ ಕಲ್ಪನೆ

ಹಿತವ ಹಿಡೊಯೋ ಮನವೇ
ಮೂಕವಾಗಿ ಕುಂತೆಯಲ್ಲೇ
ಕಣ್ಣು ಮುಚ್ಚಿ ಸುಮ್ಮನೆ ಕಾಣು
ಹೊಸ ಕನಸ ಮೆರವಣಿಗೆ

ಬಂದಿಯಾಗೋ ಮನಸ್ಸೇ
ಬದಿಗೆ ಸರಿದು ಸೊರಗಿದೆ
ಚಿಲುಮೆ ಕೊಟ್ಟು ಜೀವ
ಉಳಿಸು ಮೃತ್ಯು ಪತನಕೆ

ನನ್ನ ಬಾಳ ಚಿಲುಮೆಯ ಪುಸ್ತಕ

ಸುಮ್ಮನೆ  ನಿಂತಿದ್ದ ಹೃದಯ ಹೊಸ
ಕಥೆಯ ಕೆತ್ತನೆಗೆ ಬೆರಳುಗಳ ಸರಿಸುತ್ತಿದೆ
ಕಣ್ಣ ರೆಪ್ಪೆಯ ಮೀಡಿತಗಳೇ ಪದಗುಂಜಗಳು
ಕೈಜಾರದೇ ಮೆಲ್ಲನೆ ಹೃದಯ ಸೇರಲಿ
ನನ್ನ ಬಾಳ ಚಿಲುಮೆಯ ಪುಸ್ತಕ 

ಏಕಾಂಗಿತನವೇ ನನ್ನ ಕೈಸೇರಿದೆ ಮೌನಕ್ಕೆ ಗಂಟುಬಿದ್ದು

ಹೊಸ ಕಥೆಯ ಬರೆಯುವೆ ನಿನ್ನ ನೆನಪಲ್ಲಿ
ಹೆಕ್ಕಿ ತರುವೆನು ಪದಗಳನ್ನು ನನ್ನೆದೆಯ ಜೋಪಡಿಯಿಂದ
ಭಾವನೆಗಳ ಗೂಡಿಗೆ ಬೇಲಿ ಹಾಕಿ ಸದಾ ಕಾಯುವೆನು
ಏಕಾಂಗಿತನವೇ ನನ್ನ ಕೈಸೇರಿದೆ ಮೌನಕ್ಕೆ ಗಂಟುಬಿದ್ದು 

ಸುಂದರ ಚಂದಿರ ಬರುವನು ತಿಂಗಳಿಗೊಮ್ಮೆ

ಸುಂದರ ಚಂದಿರ ಬರುವನು ತಿಂಗಳಿಗೊಮ್ಮೆ
ನನ್ನ ಚಲುವೆ ಬೆಳಕ ಬೀರುತಿಹಳು ಪ್ರತಿದಿನವೂ
ಕೊನೆಪಕ್ಷ ಚಂದಿರನಾದರೂ ಗಮನಿಸಬಾರದೇ 
ಅವನಿಗಾದರು ಸಿಗುತಿತ್ತು ಒಂದು ದಿನದ  ವಿಶ್ರಾಂತಿ

ಪ್ರತಿ ಕಣ್ಣಿರಿಗೂ ಬರೆಯುವೆ ಕಾದಂಬರಿ

ನಿನ್ನ ಪ್ರತಿ ಕಣ್ಣಿರಿಗೂ ಬರೆಯುವೆ ಕಾದಂಬರಿ
ಕನಸಲ್ಲೂ ಒದ್ದೆ ಆಗದ ಹಾಗೆ ಕಾಪಾಡುವೆನು
ನಿನ್ನ ಬೃಂದಾವನದ ರಾಣಿಯಾಗಿ ರಾರಾಜಿಸದಿದ್ದರು
ಪ್ರೀತಿಯ ಗುಡಿಸಲಿನಲ್ಲಿ ಸದಾ ಜ್ಯೋತಿಯಂತೆ ಬೆಳಗಿಸುವೆನು

ರೈತನ ಮಗ

ನನ್ನೊಬ್ಬ ರೈತನ ಮಗ ಹೆಮ್ಮೆಯಿಂದ
ಮೀಸೆ ತಿರುಗಿಸಿ ಹೇಳೆವೆ  ಅಂಬಲಿ
ಉಂಡರು ಅಂಬಾರಿಗೂ ಮೀಗಿಲಾದ
ಸುಖವುಂಟು ನನಗೆ ನೆಮ್ಮದಿಯುಂಟು

ನನ್ನ ಬೆವರಲ್ಲಿದೆ ಮೂರು ಹೊತ್ತಿನ
ತುತ್ತು ಯಾರಿಗೂ ಅಂಜ ಬೇಕಿಲ್ಲ
ಸ್ವಾಭಿಮಾನದ ಕಣಜವೇ ಹೋತ್ತಿಹೆವು
ಸುಮ್ಮನೆ ಕೂರುವವರಲ್ಲ ಕಾಲಹರಣ ಮಾಡದೇ

ನನ್ನೊಬ್ಬ ರೈತನ ಮಗ ಗತ್ತಿನಿಂದ
ಬದುಕುವೆ ಕಿತ್ತು ತಿನ್ನುವ ಅಹಂಕಾರ
ನಮಗಿಲ್ಲಉಂಡ ಮನೆಗೆ ದ್ರೋಹ ಮಾಡೋ
ಪರದೇಸಿ ಬಾಳ್ವೆ ನಮ್ಮದಲ್ಲ ಬೆವರ ಹನಿಯಲ್ಲಿದೆ ನಮ್ಮ ಬದುಕು

ಭೂಮಿ ತಾಯ ಹಸಿರ ಕಾಯೋ
ಮಣ್ಣಿನ ಮಗ ನೊಗವ ಹೊತ್ತು ನೋವು ಉಂಡು
ಹಸಿರ ಕಣಜದಲ್ಲಿ ಖುಷಿಯ ಕಣೋ ಅಲ್ಪ ತೃಪ್ತ
ಜೀವನ ರಥವು ನಡೆಯುತಿಹುದು ಬಿಡುವು ಇಲ್ಲದೆ

ಮರೆತು ಬಿಡುವೆ ಒಂದೇ ಸಲಿಗೆ

ಮರೆತು ಬಿಡುವೆ ಒಂದೇ ಸಲಿಗೆ
ಇರುವ ತನಕ ಇರದು ನೋವು
ಹೋದ ಗಳಿಗೆ ನೊಂದ  ಹೃದಯ
ಬಾಡಿದೆ ಈ ಬದುಕು ಸಂಚಾರವಿಲ್ಲದೆ

ಹುಚ್ಚಾದ ಪ್ರೀತಿ ಹೆಪ್ಪಾಗಿ ಹೋಗಿದೆ
ಒಡಲೊಳಗಿನ ತೀರ ಮಂಕಾಗಿ ನಿಂತಿದೆ
ತಿಳಿ ಉಸಿರ ಹೆಸರು ಹಬೆಯಾಗಿ ಕಾಡಿದೆ
ಮೌನಕ್ಕೆ ನಸುನಕ್ಕು ಶರಣಾಗಿ ಉಳಿದಿಹೆನು

ಪ್ರೀತಿಯ ಗೂಡಿದು ಖುಷಿಯಾಗಿ ಸೇರು

ಕಣ್ಣಲ್ಲೇ ಕನಸೊಂದು
ಮರಿಹಾಕಿ ಮರವಾಗಿದೆ
ನನ್ನೆದೆಯ ತೀರಕ್ಕೆ ಕಾಲಿಟ್ಟು
ಹೊಸ ಅಧ್ಯಾಯ ಬರೆದಿದೆ

ಸುಮ್ಮನೆ ನಾನಿದ್ದೆ ನೀ
ಬಂದೆ ಹೊಸ ಸಡಗರವ
ಶುರುಮಾಡಿದೆ ನೀ ಇಲ್ಲದ
ಈ ಸಂಜೆ ಸದ್ದಿಲ್ಲದೇ ಕರಗಿದೆ

ಕಣ್ಣಲ್ಲೇ ಕನಸೊಂದು
ಮನೆಮಾಡಿ ನಿನ್ನ
ಗೃಹಪ್ರವೇಶಕ್ಕೆ ಕಾದಿಹುದು
ಪ್ರೀತಿಯ ಗೂಡಿದು ಖುಷಿಯಾಗಿ ಸೇರು

ಭಾವತೀರಯಾನ

ಬಣ್ಣದ ಬದುಕಿಗೆ
ಚಿನ್ನದ ಲೇಪನ ಕೊಟ್ಟು
ಅಮಾವಾಸೆಯಲ್ಲೂ
ಬೆಳಗಬೇಕೆಂದರೆ
ಬೆಳಗೀತೆ ಬದುಕು

ಅಂದದ ಬದುಕಿಗೆ
ಹೊಸ ಗೆಜ್ಜೆಯ
ತೊಡಿಸಿ ಮೂಕ
ನಾದ ಬೇಕೆಂದರೆ
ಯಾವ ದಿಕ್ಕಿನಿಂದಲಿಸುವುದು