ಸಾಗರದ ಅಲೆಗಳ ಸರಿಸಿ

ಕನ್ನಡಿ ನಾಚುವ ಸುಂದರಿಗೆ
ಕೋಪವು ಯಾಕೆ ನನ್ನಾಕೆ
ಮುದ್ದಿನ ನಗುವು ತುಂಬಾ ಚೆಂದ
ನಿನ್ನ ಮುಖದ ಕನ್ನಡಿಗೆ

ಬದುಕ ಬೇಕು ನಿನ್ನ ಜೊತೆ
ನನ್ನ ಕನಸುಗಳ ತೇರಿನಲ್ಲಿ
ನಿನ್ನ ಖುಷಿಗೆ ನಾ ಎಂದು ಬದ್ದ
ಬಾಡಿಸದೆ ಇಡುವೆನು ನಿನ್ನ ನಗುವ

ಬರೆದು ಇಡುವೆ ನಿನ್ನ ಹೆಸರ
ನನ್ನ ಬಾಳ  ಮದ್ಯ ಪುಟದಲ್ಲಿ
ಎಂದು ಅಳಿಸದ ಹಾಗೆ
ಸಾಗರದ ಅಲೆಗಳ ಸರಿಸಿ

ಕವಲುದಾರಿ

ನಿಂತಿಹೆನು ನಾನು ಉಸಿರುಗಟ್ಟಿ
ಲೋಕವನ್ನೆಲ್ಲ ಎದುರು ಹಾಕಿ
ಸುಮ್ಮನೆ  ಸೋಲೊಪ್ಪಿಕೊಳ್ಳಲಾಗದು
ನನ್ನ ಮನೋವ್ರತ್ತಿಗೆ  ಭಂಗಮಾಡಿ

ಸ್ವಪ್ನಗಳು ಸುಂದರವಾಗಿದೆ
ನನ್ನ ಗುರಿಗಳಿಗೆ ಗುರುಗಳಿಲ್ಲ
ತಟಸ್ಥವಾಗಿ ತಣ್ಣೀರಿನಲ್ಲಿ
ಹಾಸಿಗೆ ಹೊದ್ದು ಮಲಗಿವೆ

ಎಂಟನೆಗೆ ಏಣಿ ಕೊಂಡು
ಮೂರುಕಾಸಿಗೆ ಅದನ್ನು ಮಾರಿ
ಅಲೆಮಾರಿಯಾಗಿ ಬದುಕೋ
ಮಂದಬುದ್ಧಿಗೆ ನಾವಿಕನಾದೆ

ಸುಮ್ಮನಿದ್ದರೆ ಸಾವಿಗೂ
ನನ್ನ ಮೇಲೆ ಸೇಡು ನಕಾರಾತ್ಮಕಥೆ
ಬದಿಗೊತ್ತಿ ವಿಕಿರಣದಂತೆ
ಹೊರಹೊಮ್ಮೋ ಸಾಧನವಾಗುವಾಸೆ