ಖಾಲಿ ಜೇಬಿನ ಪ್ಯಾಂಟು

ನೂರೆಂದು ನಂಟು ಖಾಲಿ ಜೇಬಿನ ಪ್ಯಾಂಟಿನಲ್ಲಿ
ಬಗೆದಷ್ಟೂ ನೋವು ಖಾಲಿ ಜೇಬಿನ ಪ್ಯಾಂಟಿನಲ್ಲಿ
ಹೊಸ ಉತ್ಸಾಹದ ಚಿಲುಮೆ ಖಾಲಿ ಜೇಬಿನ ಪ್ಯಾಂಟು
ಯೋಚನೆಗೆ ಯೋಜನೆಗೆ ರಹದಾರಿ ಖಾಲಿ ಜೇಬಿನ ಪ್ಯಾಂಟು
ಯಶಸ್ವಿ ಕಥೆಯ ಮುಖ್ಯ ತಿರುವು ಖಾಲಿ ಜೇಬಿನ ಪ್ಯಾಂಟು

ಕಣ್ತೆರೆ

ಒಮ್ಮೆ ಕಣ್ತೆರೆದು ಓದು ಜಗದ ಜ್ಞಾನ  ಪುಸ್ತಕದ ಬಂಡಾರದೊಳಡಗಿದೆ
ಒಮ್ಮೆ ಕಣ್ತೆರೆದು ನೋಡು ಪ್ರಪಂಚದ  ಸೊಬಗು ಶೂನ್ಯ ಶಾಂತದ ಪರಿಸರದಲ್ಲಿದೆ
ಒಮ್ಮೆ ಕಣ್ತೆರೆದು ಪಯಣಿಸು ಹೊಸ ತಂತ್ರಜ್ಞಾನದ ಗಾಳಿಯ ಜೊತೆ ಸಾಗಲು
ಒಮ್ಮೆ ಕಣ್ತೆರೆದು ಜೊತೆ ಸಾಗು ಬಲ್ಲವರ ಜೊತೆ ಬದುಕ ಬದಲಾವಣೆಗಾಗಿ
ಕಣ್ತೆರೆ ಒಮ್ಮೆ ಕಣ್ತೆರೆ ನಿನ್ನ ನಿಂಗುವ ಆಗು ಹೋಗುಗಳ ಗುಟ್ಟನು ತಿಳಿಯಲು
ಒಮ್ಮೆ ಕಣ್ತೆರೆದು ನೋಡು ನಿನ್ನಲ್ಲಿದೆ  ಜಗವ ನಿಯಮ ಬದಲಿಸೋ  ನೀತಿ

ನನ್ನೂರು

ಏರಿ ಮೇಲೊಂದು ಊರು
ಮನೆಯ ಸುತ್ತೆಲ್ಲ ಸೂರು
ಎಳ್ಳಷ್ಟೂ ಬಗೆದರೆ ಸಿಹಿನೀರು
ಕತ್ತಲ ಕಾಡಲ್ಲಿ ನಿಂತಿದೆ ನನ್ನೂರು
ಖುಷಿಯ ಕಡಲಿದು ನನ್ನ ತವರೂರು