ಹನಿಗವನ

ತುಂತುರು ಹನಿಗಳ ಸಂಗಮದಲ್ಲಿ ನಿನ್ನ ಮಾತಿನ ಸಂಗೀತ
ಮೋಡಗಳು ಒಡೆದುಮುತ್ತು ಸುರಿಸಲಿ ನಿನ್ನ ಸ್ವರಗಳ ಮಾದುರ್ಯಕ್ಕೆ
ರೆಕ್ಕೆ ಬಿಚ್ಚಿ ಹಾಡಲು ಶುರು ಮಾಡು ನಿನ್ನ ದ್ವನಿಗೆ ನಾ ಕಳೆದೊಗುವ ಹಾಗೆ
ನಿನ್ನ ಪ್ರತಿ ಪದವನ್ನು ಹೆಕ್ಕಿ ಇಡುವೆನು ನನ್ನಿ ಹೃದಯದಂಗಡಿಯಲ್ಲಿಹನಿಗವನ

ಹೊಸಕಿರಣ

ಹೊಸತನದ ನಗು ಹಳೆತನದ ನೆಮ್ಮದಿ ನಂಬಿಕೆ ಬೇಕಾಗಿದೆ
ತಾತ್ಕಾಲಿಕ ಸಂಬಂದಗಳಿಗೆ ಜೋತು ಬಿಟ್ಟು ಜೀವನ ಬೆಂಡಾಗಿದೆ
ಯಾವ ಪ್ರಾಣಿಗಳಲ್ಲೂ ಕಾಣದ ಹೊಸತನ ನಮ್ಮಲೆಕಿದೆ
ಹೊಸತನದ ಹುಚ್ಚಿನಲ್ಲಿ ನೆಮ್ಮದಿನ ನಗು ಮಾಯವಾಗಿದೆ
ಹೊಸತನ ಯಾರಿಗೋಸ್ಕರ ಸಮಾಜದ ಬದಲಾವಣೆಗಾ
ಇಲ್ಲಾ ನಮ್ಮನ್ನೇ ಪ್ರತಿಬಿಂಬಿಸಿಕೊಳ್ಳುವುದಕ್ಕೋ ಇದರಿಂದ
ಸಿಗುವುದು ಏಕಪಾತ್ರಬಿನಯ ಹೊರತೆ ಇನ್ನಾವುದೂ ಅಲ್ಲ
ಪರಿಶುದ್ದ ಬದುಕಿಗೆ ನೆಮ್ಮದಿಯೊಂದೇ ಸಾಲದೆ
ಮತ್ತೊಂದು ಬೇಕೆಂದರೆ ನಗುವೊಂದೇ ಉತ್ತರ

ಓ ಬಾಲ್ಯವೇ ಬಂದು ಬಿಡು ಮಗದೊಮ್ಮೆ ಕಳೆದೊಗುವೆ ನಿನ್ನೊಂದಿಗೆ

ಹಸಿರಿನ ಸಿರಿಯಲ್ಲಿ ನೆನಪಾಗಿದೆ ಬಾಲ್ಯದ ಉಸಿರು
ಕಣ ಕಣವು ಹಾತೊರೆಯುತ್ತಿದೆ ಬಾಲ್ಯವೇ ಬಂದು ಬಿಡು ಮಗದೊಮ್ಮೆ
ಆನಂದಿಸುವೆ ಪ್ರತಿ ಕ್ಷ್ಯಣವು ನಿನ್ನೊಂದಿಗೆ ನನ್ನನ್ನೇ ಮರೆತು
ಸೋತಾಗಲು ಕುಶಿ ಇತ್ತು ಗೆದ್ದಗಲು ನೆಮ್ಮದಿ ಇತ್ತು
ಈ ಶತಮಾನದ ನಾಟಕೀಯ ಬದುಕಿಗೆ ಬೆಂಡಾಗಿದೆ ಈ ಬದುಕು
ಹಳೆಯ ಕುಶಿಗಳು ನನ್ನೊಟ್ಟಿಗಿಲ್ಲ ಹೊಸ ಕನಸುಗಳು ದೂರ ಸರಿಯುತ್ತಿವೆ
ಕಾದ ಬಾಣಲೆಯಲ್ಲಿ ಬಿದ್ದು ಕೃತಕ ಕುಶಿಯಲ್ಲಿ ತೇಲಾಡುತ್ತಿದೆ ಈ ಜೀವನ
ಓ ಬಾಲ್ಯವೇ ಬಂದು ಬಿಡು ಮಗದೊಮ್ಮೆ ಕಳೆದೊಗುವೆ ನಿನ್ನೊಂದಿಗೆ

ಜೊತೆ ಇರುವಳು ತಾಯಿ ಎಂದೆಂದಿಗೂ

ಜೊತೆ ಇರುವಳು ತಾಯಿ ಎಂದೆಂದಿಗೂ ತನ್ನ
ಪುಟ್ಟ ಕಂದಮ್ಮ ನಾ ಬರುವಿಕೆಗಾಗಿ ಕಾದು
ತನ್ನ ಆಸೆಗಳನೆಲ್ಲ ಕಂದಮ್ಮನಲ್ಲಿ ಕಂಡು
ಸದಾ ಆಶಿಸುವಳು ಹಸು ಗೂಸಿನ ಚಂದುಟಿಯ
ನಗುವನ್ನು ಕಂಡು ಅತ್ತಗಳು ಜೊತೆಯಾಗಿ ಸೋತಾಗಲು ಜೊತೆಯಾಗಿ ಎಂದೆಂದಿಗೂ ಜೊತೆಯಿರುವಳು ತಾಯಿ ತನ್ನ ಪುಟ್ಟ ಕಂದಮ್ಮನಿಗಾಗಿ

ನಾ ಬದಲಾಗುವೆ

ನಾ ಬದಲಾಗುವೆ ನನ್ನ ಬದುಕಿಗಾಗಿ ನನ್ನ ಕನಸ್ಸಿನ ಈಡೇರಿಕೆಗಾಗಿ
ನಾ ಬದಲಾಗುವೆ ನನ್ನ ಜೀವನದ ಅತ್ಯಮೂಲ್ಯ ಕ್ಷಣಕ್ಕಾಗಿ
ನಾ ಬದಲಾಗುವೆ ನನ್ನ ನಂಬಿದವರ ಆಸೆಗಳಿಗಾಳಿ
ನಾ ಬದಲಾಗುವೆ ಹೊಸ ಜಗತ್ತಿಗೆ ನಾನು ಯಾರೆಂದು ತೋರಿಸಲು

ನಿಸ್ಕಲ್ಮಶ ಈ ಪ್ರೀತಿಯ ಕೂಗು

ನಿಸ್ಕಲ್ಮಶ ಈ ಪ್ರೀತಿಯ ಕೂಗು
ಮನದಾಳಕೆ ಇಳಿದಿದೆ ಕಾಣದ ನೋವು
ಎಂದೆಂದೂ ಸಿಗದ ಉತ್ತರದ ಮಾತು
ದೂರಕೆ ಸಾಗಿದೆ ಕನಸಿನ ತೇರು

ಅಲೆಮಾರಿ ಬದುಕು

ಕ್ರಾಂತಿಕಾರಿ ಜೀವನ ಬೆಳಿಗ್ಗೆ ಆದ್ರೆ ಗಂಟೆ ಸೌಂಡ್ ಸಂಜೆ ಆದ್ರೆ ಬಾಟಲ್ ಸೌಂಡ್
ಯಾರಿಹೇಲೋಣ ನಮ್ ಟೆನ್ಶನ್ ನಿಲ್ಲಾಂಗಿಲ್ಲ ನಾನ್‌ಸೆನ್ಸ್ ಕಮ್ಯೂನಿಕೇಶನ್
ಕಾಲೇಜ್ ಹೋದ್ರು ಕಲಿತಿಲ್ಲ ಇಂಗ್ಲೀಶ್ ಆದ್ರೂ ನಡೀತಿದೆ ನಮ್ ಫ್ಯಾಶನ್
ಯರ್ರ ಬಿರ್ರಿ ಸಬ್ಜೆಕ್ಟ್ಸ್ ಎಸ್ಟು ಓದಿದ್ರೂ ಬ್ಯಾಕ್‌ಲಾಗ್ ಹೇಂಗೆ ಮಾಡೋದು ಅನ್‌ಲಾಕ್
ಕಲಿಯುಗದ ಕರ್ಮಕಾಂಡ ನಾಕಾಣೆನು ನಿಲ್ಲಾಂಗಿಲ್ಲ ನಮ್ ಜೇಬಲ್ಲಿ
ಜೇಬು ತುಂಬಾ ಏ ಟೀ ಎಮ್ ಒಂದ್ರಲ್ಲೂ ಇಲ್ಲ ಗಾಂಧಿ ನೋಟು
ಮಾರ್ಕ್ಸ್‌ಕಾರ್ಡ್ ಅಲ್ಲಿ ಮಾರ್ಕ್ಸ್ ಇಲ್ಲಾ ಇಂಟೆರ್‌ನಲ್ಸ್ ಅಂತೂ ಇಂಟ್ರೆಸ್ಟ್ ಇಲ್ಲವೇ ಇಲ್ಲಾ
ಆದ್ರೂ ಪಾಸ್ ಆಗ್ತವೆ ಮೂರೋ ನಾಲ್ಕೋ ಬಂದು ಕೊಟ್ಟೋನು ಪುಣ್ಯಾತ್ಮ ಎನ್ ನೋಡಿ ಅಂತ ಕೇಳ್ಬೇಡಿ
ಕನಸಿದೆ ಸಾಗರದಾಚೆ ನಂಗೊತ್ತಿರೋದೊಂದೆ ಸಾಗರ ಶಿವಮೊಗ್ಗ ಹತ್ರ ಅಂತ
ನಮ್ ಲೈಫ್ ಅಲ್ಲಿ ಒಂದು ಆಗಿಲ್ಲ ಕ್ರಶ್ ಅದಕ್ಕಾಗೇ ಯಾವಾಗ್ಲೂ ಆಡ್ತೀವಿ ಕ್ಯಾಂಡೀ ಕ್ರಶು
ನಮ್ ಮ್ಯಾತಮ್ಯಾಟಿಕ್ಸ್ ಸಕತ್ ವೀಕ್ ಅದಕ್ಕಾಗೆ ನಮಗೆ ಬರೋದಿಲ್ಲ ಹೆಣ್ಣೂ ಮಕ್ಕಳಿಗೆ ಹೊಡೀಯೊಕೆ ಲೈನ್
ಹೆಂಗೋ ಹೀಂಗೋ ನಡೀತಿದೆ ಲೈಫ್ ನೆಟ್ಟಗಂತೂ ಇಲ್ಲವೇ ಇಲ್ಲಾ.

ಒಂತರಾ ಜೀವನ ಕಪ್ಪು ಬಿಳುಪು ಸ್ವಲ್ಪ ಸ್ವಲ್ಪ ಕಲರ್

 ನನ್ನ ಮನಸ್ಸೆಂಬ ಮಂಟಪದಲ್ಲಿ ಎಲ್ಲೋ ನೋಡಿದ ಎಲ್ಲೋ ಕಂಡ 
ಮಾತಿನ ಬಲೆ ಹೆಣೆದು ಹೊಂಚಾಕುತ್ತಿರುವ ಉಗ್ರಗಾಮಿ ನಾನು
ಸಮಯ ಸರಿದೂಗಿಸುವ ಕಾಲ ಪ್ರಳಯಾನನ್ನು ಸರಿದೂಗಿಸುವುದೇ ನನಗೆ ಯೋಚನೆ
ಮೂರಿಂಚಿನ ಜೀವನದಲ್ಲಿ ನೂರಾರು ಕನಸುಗಳೊಂದಿಗೆ ಓಡಾಡುವ ಜಿಂಕೆಯನ್ನು ಹತ್ತಿ
ಎತ್ತ ಕಡೆ ಎಂದು ಆಲೋಚಿಸುತ್ತಿರುವೆ ಆದರೂ ಹತ್ತಿ ಕೂತಿರುವೆ
ಬಾಳ ಬುಗುರಿಯ ದೂರದ ತುದಿಯು ಎಲ್ಲಿ ಕೊನೆಗಾಣುವುದೋ
ಒಂದು ತಿಳಿಯದ ನನಗೆ ಏಕಾಂತವು ನಾನು ಯಾರೆಂದು ತಿಳಿಸುವುದು
ಆದರೂ ಏನೋ ಗಾಂಬಿರ್ಯದಿಂದ ನನ್ನನ್ನೇ ನೋಡಿ ನಗುತಲಿರುವೆ
ಆದರೂ ಗುದ್ದಾಟದ ಜೀವನದಲ್ಲಿ ಮೂರ್ಕಾಸಿನ ಕುಶಿ ಎಂದೆಂದೂ ಇದೆ.

ನಾನ್ಯಾರು

ಹುಣ್ಣಿಮೆಯ ಚಂದ್ರನ ಬೆಳದಿಂಗಳಲ್ಲಿ ನನ್ನ ಬೆಳದಿಂಗಳ ಚಲುವೆಯ ಜೊತೆ ನಾನಿರಲು
ಸ್ವರ್ಗದಲ್ಲಿ ಮಂಟಪ ಮಾಡಿ ಹೂವಿನ ಸೌದರ್ಯವನೆಲ್ಲ ನನ್ನವಲಲ್ಲಿ ಕಾಣುವ ತವಕ
ನಾಚಿ ನೀರಾಗುವ ಚೆಂದುಟಿಯಲ್ಲಿ ನಸು ನಕ್ಕ ನನ್ನಾಕೆಯ ನಗು ಹೃದಯ ಕೊಳ್ಳೆ ಹೊಡೇವಂತಿದೆ
ಹೇಳ ತೀರದ ದೂರಕ್ಕೆ ನನ್ನ ಪಯಣ ಕೊನೆ ಇಲ್ಲದಂತೆ ಸಾಗುವಂತಿದೆ
ನನ್ನವಳ ಮಾತಿನ ಮಿಂಚು ಸ್ವರಗಳ ಲೋಕದಲ್ಲಿ ನಾ ಕಳೆದೊಗುವಂತಿದೆ
ಇಂತಿ ನಾನ್ಯಾರು

ಒಂದು ದಿನದ ಮೌನ

ಒಂದು ದಿನದ ಮೌನ ನನ್ನ ಮನದ ದ್ಯಾನ
ಅರಳಿದ ಪ್ರೀತಿಗೆ ಕೊಡೆ ಹಿಡಿಯುವ ತವಕ
ತಾಳಲಾಗುತ್ತಿಲ್ಲ ಈ ಹೊಸ ಬಗೆಯ ನೋವ
ಬಾಳ ಬುಗುರಿಯಲ್ಲಿ ತಿರುಗದೆ ಹೋದ
ನನ್ನ ಉಸಿರಿನ ಚಕ್ರ ಮುಂದೆ ತಿರುಗದೆ ಚಲನಹೀನವಾಗಿದೆ

ಕನಸುಗಳ ಕಾಯಿಲೆ

ನಾ ಕಂಡ ಕನಸು ಅಮವಾಸೇಯ ಮದ್ಯರಾತ್ರಿಯ ಮದ್ಯದಲ್ಲಿ
ನಡು ನೀರಿನ ಅಲೆಗಳಲ್ಲಿ ಪಾತಾಳಕ್ಕಿಳಿಯುವ ಕನಸ್ಸುಗಳ ಬಳ್ಳಿ
ಜಾರುವ ಮನಸ್ಸಿನ ಕೂಪದಲ್ಲಿ ನನಗೆ ಕೊರೆಯುವ ಚಳಿಯದ್ದೆ ಚಿಂತೆ
ಯಾರಿಗಾಗಿ ಈ ಕನಸು ಎತಕ್ಕಾಗಿ ಈ ಕನಸು ಎಂದನಿಸ್ಸಿದೆ ಈ ಮನಸ್ಸು
ಚಿರನಿದ್ರೆಗೆ ಜಾರುವ ತನಕ ನಿಲ್ಲುವುದಿಲ್ಲ ಈ ಕನಸ್ಸುಗಳ ಕಾಯಿಲೆ

ತೀರದ ದಾರಿ

ತೀರದ ದಾರಿಗೆ ಕಾದಿದೆ ಮನಸ್ಸಿನ ಪುಟ
ತೆರೆಯಲು ಒಲ್ಲೆ ಎನ್ನುತ್ತಿದೆ ಕಾಣದ ಕದ
ಮರೀಚಿಕೆಯಾಗದೆ ಮರಳಿ ಬರುತ್ತಿದೆ 
ನನ್ನ ಈ ಬಿಡದ ನೆರಳಿನ ಬಿಂಬ

ಪಯಣ

ನನ್ನ ಕನಸನ್ನು ಹೊಸ ದಿಕ್ಕಿಗೆ ಸಾಗಿಸುವ ಪಯಣ
ನನ್ನ ಆಸೆಯನ್ನು ಹೊಸ ಶಕ್ತಿಯಾಗಿ ಸಾಗಿಸುವ ಪಯಣ
ಹಳೇ ನೋವನೆಲ್ಲ ಮರೆಸಿ ಹೊಸ ಸ್ಪೂರ್ತಿಯೊಂದಿಗೆ ಸಾಗುವ ಪಯಣ
ಎಂದು ನಿಲ್ಲದ ಪಯಣ ಕೊನೆಯಿಲ್ಲದ  ಪಯಣ ನನ್ನ ಪಯಣ

ಬಾಳ ಜೊತೆಗಾರ

ನನ್ನ ಸ್ವಪ್ನದಲ್ಲಿ ಕಾಣಸಿಕ್ಕ ಸೈಲೆಂಟ್ ಸುಂದರಿ
ನನ್ನ ಎದೆಯ ತಳದಲ್ಲಿ ನೆಲೆನಿಂತು ತಳಊರಿದ ನಾಜೂಕು ಸುಂದರಿ
ಮೊದಲ.ನೋಟದಲ್ಲೇ ಮನಸ್ಸು ಕದಡಿದ ಕಾನನದ ಜಿಂಕೆಯೇ 
ನಿನಗಾಗಿ ಬಲೆ ಬಿಸಿ ಈ ಮನಸ್ಸು ಕಾಯುತ್ತಿದೆ
ಎಂದು ನೀ ಬಂದು ಬೀಳುವೆಯೋ ಈ ಬಾಳಿನ ಜೋಳಿಗೆಯಲ್ಲಿ

ಲೈಫ್ ಇಸ್ಟೇನೆ

ನಾವು ಲೈಫ್ ಮೇಲೆ ಸವಾರಿ ಮಾಡೋಕೆ ಹೋಗ್ತೀವಿ ಆದರೆ ಲೈಫ್ ನಮ್ ಮೇಲೆ ಸವಾರಿ ಮಾಡ್ತಿರುತ್ತೆ ಅಂತ ನಮಗೆ ಗೊತ್ತಾಗಲ್ಲ
ಲೈಫ್ ಆವಾಗ ಆವಾಗ ಹೇಳಿ ಕೊಡ್ತಾ ಇರತ್ತೆ ನಾವೇ ದಡ್ಡ ನನ್ ಮಕ್ಳು ಕೇಳ್ತಾ ಇರಲ್ಲ ನಾವೇ ದೊಡ್ಡೋರು ಅನ್ಕೋತಾ ಇರ್ತೀವಿ
ಲೈಫ್ ನಮಗೆ ಇಸ್ಟ ಇರೋರನ್ನ ದೂರ ಮಾಡುತ್ತಾ ವಿಚಿತ್ರ ಖುಷಿ ಕೊಡತ್ತೆ ವಿಚಿತ್ರ ದುಃಖ ಕೊಡ್ತಾ ಇರತ್ತೆ
ನಾವು ಮಣ್ಣು ಮಣ್ಣು ಅಂತ ಹೊಡೆದಾಟ ಮಾಡ್ತ ಇರ್ತೀವಿ ಮಣ್ಣಿನ ಜೊತೆ ಆಟ ಆಡ್ತಾ ಇರ್ತೀವಿ ಒಂದನ್ನ ಮರೆತು ಇರ್ತೀವಿ 
ಮಣ್ಣು ನಮ್ ಜೊತೆ ಆಟ ಇರತ್ತೆ ಯಾವಾಗ್ಲೂ ಅಂತ ಕೊನೆಗೆ ಗೆಲ್ಲೋದೇ ಮಣ್ಣೇ ನಮ್ ಮೇಲೆ ಬಂದು ಮೇಲೆ
ಕೊನೆಗೆ ಒಂದು ದಿನ ಲೈಫ್ ಲೈಟ್ ಆಗಿ ಲೈಟ್ ಆಫ್ ಮಾಡ್ಕೊಂಡು ಹೋಗತ್ತೆ ನಮಗೆ ಹೇಳದೆ ಲೈಟ್ ಆಫ್ ಕ್ಯಾಮರ ಆನ್ ಅನ್ನೋ ತರ
ನಮ್ಮ ಕೊನೆಯ ಪ್ರತಿಬಿಂಬ ನಮಗೆ ಕಾಣೋದಿಲ್ಲ ಬೇರೆಯವರು ನೋಡ್ಕೊಂಡು ಹೋಗ್ತಾರೆ ಅಸ್ಟೇ ಲೈಫ್ ಇಸ್ಟೇನೆ

ಮಿಂಚಿನ ಸಂಚಾರ

ಕನಸ್ಸಿನ ಕಾರ್ಮುಗಿಲಿನ ಮನಸ್ಸಿನ ಮಾಯಾಮೃಗದ ಮುಗಿಲಿನ ಮಂಟಪದ ಮಾಯಾಜಿಂಕೆಯೇ
ಯಾರಿಗೂ ಕಾಣದೆ ತೋರದೆ ಮರೆ ಮಾಚಿ ಸದ್ದಿಲ್ಲದೆ ನನ್ ಈ ಹೃದಯದಲ್ಲಿ ಗದ್ದಲ ಎಬ್ಬಿಸಿರುವೆ
ಒದ್ದಾಟದಲ್ಲಿ ಗುದ್ದಾಟದಲ್ಲಿ ಚಿತ್ರ ವಿಚಿತ್ರವಾಗಿ ವಿಚಳಿತಾನಾಗಿರುವೆ
ನನ್ನ ಕನಸ್ಸಿನ ಪರದೆಯ ಸರಿಸಿ ಹೃದಯಕ್ಕೆ ಚುರುಕು ಮುಟ್ಟಿಸಿರುವೆ
ನನ್ನ ಈ ಹೃದಯದ ಅಂಗಡಿಯಲ್ಲಿ ನಿನ್ನ ಆಡಂಬರದ ಪಿಸು ಮಾತು ಪದೇ ಪದೇ ಸದ್ದು ಮಾಡಿ ಸಂಹರಿಸುತ್ತಿದೆ
ಯಾರಿಗೂ ಕಾಣದ ನೋವ ಹುಡುಕಿ ನನ್ ಈ ಹೃದಯದಲ್ಲಿ ಮಿಂಚಿನ ಸಂಚಾರ ಮಾಡು

ಹೃದಯದ ಹವಮಾನ

ನಾಚಿಕೆಯ ಮುಂಭಾಗ ಹೃದಯದ ಹಿಂಭಾಗ
ಮನಸ್ಸಲ್ಲಿ ಅರಳಿದ ಕನಸ್ಸಿನ ಬಳ್ಳಿ
ಹೇಗೆಂದು ಪೋಷಿಸಲಿ ನೀನಿಲ್ಲದ ಹವಮಾನದಲ್ಲಿ...

ಚಿಂತೆಗಳ ಸಂತೆ

ಚಿಂತೆಗಳ ಸಂತೆಯಲ್ಲಿ ನಮ್ಮ ಬಾಳಿನ ಬುಗುರಿ
ಸದ್ದಿಲ್ಲದೆ ಸೊಗ್ಗಿಲ್ಲದೆ ಅಮವಾಸೆಯ ಚಂದ್ರನಂತೆ
ಪರದೆಯ ಹಿಂದೆ ಅಡಗಿ ಕೂತಿದೆ
ತೆರೆಮರೆಯ ಹಿಂದೆ ತೆರೆಕಾನದೆ ಬೋರ್ಗರೆವ
ನೀರಿನಲ್ಲಿ ಆವಿಯಾಗಿ ಆಗಸಸೇರಿ ಕನಸನ್ನು
ಹೊಸ ದಿಕ್ಕಿಗೆ ಸಾಗಿಸಿದೆ ಆ ಕನಸಲ್ಲಿ ನಾವೆಲ್ಲಿದ್ದೇವೆ ಅನ್ನುವುದೇ ಗೊತ್ತಿಲ...
ಆದರೂ ಕನಸು ಕಾಣುವುದ ನಿಲ್ಲಿಸಿಲ್ಲ