ಒಲುಮೆ

ಕಥೆಯೊಂದು ಶುರುವಾಗಿದೆ ಮೆಲ್ಲನೆ
ನನ್ನ  ಭಾವನೆಗಳ ಬೀಗ ಒಡೆದು
ಎದೆಯೊಳಗೆ ಮಲಗಿದ್ದ ಕನಸು 
ನಿನ್ನಿಂದ ಬೆಳಗಲು ಅಣಿಯಾಗಿದೆ

ನಿನ್ನಿಂದಲೇ ಈ ರೋಮಾಂಚನ
ನಿನ್ನಿಂದಲೇ ಈ ಪ್ರೇಮಾಯಣ
ನಿನ್ನಿಂದಲೇ ಈ ಬಾವನಲಹರಿ
ನಿನ್ನಿಂದಲೇ ಈ ಬಂದನಾ 

ನೀ ಮೌನವಾದರೆ ನಾ ಮೌನವಾಗುವೆ

ನೀ ಮೌನವಾದರೆ
ನಾ ಮೌನವಾಗುವೆ
ಕಚ್ಚಾಡೋ ಕಾದಾಡೋ
ಪ್ರೀತಿಯ ತೇರು ಹೊತ್ತ
ಬದುಕ ಹಕ್ಕಿಗಳು ನಾವು

ಸುಮ್ಮನಿದ್ದರೆ ಬೇಗ ಸಾವಂತೆ
ಪಟ ಪಟನೆ ಮಾತಾಡೋ ಮಾತಿನ
ಗೊಂಬೆ ಸುಮ್ಮನಿದ್ದರೆ ಏನು ಚೆಂದ
ಮೌನದ ಮರ್ಯಾದೆ ತಗಿಯೋ
ಕೆಲಸ ನಮ್ಮಿಂದ ತಾನೇ ಪೂರ್ಣ

ಮತದಾನ

ಗೆಲ್ಲಿಸಿ ಬಿಡುವೆವು ಇನ್ನೊಮ್ಮೆ
ಕಾಣಲು ಸಿಗುವಿರಾ ಮತ್ತೊಮ್ಮೆ
ಮಲಗಿದ ಶೂರರು ಎದ್ದಿಹರು ಮಗದೊಮ್ಮೆ
ಓಟು ಕೊಡಿ ಎಂದು ಬೇಡುತಿದ್ದರೆ ಒಂದೊಮ್ಮೆ

ನಿಮ್ಮದೇ ಆಡಳಿತ ಮುಂದಿನ ಐದು ವರ್ಷ
ಪ್ರಜೆಗಳಿಗೆ ತರಲಿ ಒಂಚೂರು ನೆಮ್ಮದಿಯ ಹರ್ಷ
ಮತ್ತೆ ಹುಟ್ಟು ಹಾಕದಿರಿ ಜಾತಿಗಳ ನಡುವೆ ಸಂಘರ್ಷ
ಅಲ್ಪವಾದರೂ ಕೆಲಸ ಮಾಡಿ ಮುಂದಿನ ಐದು ವರ್ಷ

ನಮ್ಮೆಲ್ಲ ಕೆಲಸವ  ಬಿಟ್ಟು ಮಾಡುತ್ತಿದ್ದೇವೆ ಮತದಾನ
ಪ್ರತಿಯೊಬ್ಬರೂ ಮಾಡುತ್ತಿದ್ದರೆ ನಿಮಗೆ ಮಹಾದಾನ
ಸ್ವಲ್ಪವಾದರೂ ಉಳಿಸಿಕೊಳ್ಳಿ ನಿಮ್ಮ ನಂಬಿಕೆಯ ವರದಾನ
ಪ್ರತಿಯೊಬ್ಬರ ಹಕ್ಕು ತಪ್ಪದೆ ಮಾಡಿ ನಿಮ್ಮ ದಾನ ಮತದಾನ

ರೋಮಾಂಚನ

ನಲ್ಲೆಯ ಸಿಹಿ ಮುತ್ತಿಗೆ ಕಾಯೋ ಆ ಸುದಿನ
ತಡೆ ಹಿಡಿದು ಕಾಯುವುದು ಇನ್ನೆಷ್ಟು ದಿನ
ಮೊಡವೆ ಮುತ್ತಿಕ್ಕಿ ಮಳೆ ಸುರಿಸುತ್ತಿದೆ ಈ ದಿನ
ಭಾವನೆಗಳು ನಿನ್ನ ಸ್ಪರ್ಶಿಸುವುದು ಯಾವ ದಿನ

ಬದುಕು ಸಿಹಿ  ಸಕ್ಕರೆಯಂತೆ ಇರಲಿ ಅನುದಿನ
ಮನಸುಗಳು ಪರಸ್ಪರ ಬಯಸುತ್ತಿದೆ ಪ್ರತಿದಿನ
ಖುಷಿಯಲ್ಲಿ ತೇಲುತ್ತಿದೆ  ಹೃದಯ ಅನುದಿನ
ಪ್ರಣಯಿಸೋಣ ರೋಮಾಂಚನ ಹೊತ್ತ ಅಮೂಲ್ಯ ದಿನ

ನೆನಪಿನ ಕನಸುಗಳು

ನಿನ್ನ ಹೆಸರೊಂದೇ ಉಸಿರಾಗಿ
ಮೈಮರೆಸಿ ಮೂಕವಾಗಿಸಿದೆ
ಹೊಸ ಅಲೆಗಳ ಹನಿಗಳು
ಹೊಸ ಹರುಷವ ತಂದು
ಹೊಸ ಚೈತನ್ಯವ ತುಂಬಿದೆ

ನಿನ್ನ ನೆನಪಿನ ಕನಸುಗಳು
ಪದಗಳೇ ಇಲ್ಲದ ಕಾವ್ಯ
ಸೃಷ್ಟಿಗೆ ಪ್ರೇರೇಪಿಸುತ್ತಿವೆ
ಕನಸುಗಳು ದಿನದಿಂದ ದಿನಕ್ಕೆ
ಬಾನುವಿನೆತ್ತರಕ್ಕೆ ಪುಟಿದೇಳುತ್ತಿವೆ 

ಕನಸುಗಳ ತುದಿ

ತುತ್ತ ತುದಿಯಲ್ಲಿವೆ ಕನಸುಗಳು
ತುಂಡು ಮಾಡುವುದು ಏತಕೆ
ಮನಸ  ಕೋಟೆಗೆ  ಭಾವನೆಯ
ಬಣ್ಣಗಳ  ಹಚ್ಚಿ ಕಟ್ಟಿಹೆನು
ಕನಸಲ್ಲೂ ಕೆಡುವುದ ಮರೆತುಬಿಡು

ಜಾರಲು ಬಿಡದಿರು ಇರುವುದುಒಂದೇ
ಹೃದಯ ಅದು ನಿನಗೆ ಕೊಟ್ಟಾಗಿದೆ
ತೀರಕ್ಕೆ ಸೇರಿವೆ ಕನಸುಗಳ ಜಾತ್ರೆ
ಮರಳಿ ಗೂಡಿಗೆ ಸೇರವು ನಿನ್ನ ಬಾವನ
ಲೋಕದಲ್ಲಿ ನಿಷ್ಚಿಂತವಾಗಿ ನಿದ್ರಿಸುತ್ತಿವೆ

ಪ್ರೀತಿ ನಿರಂತರ

ನಿರಂತರ ಈ ಪ್ರೀತಿ ನೆರವೇರಿಸೋ
ಕನಸುಗಳ ಹೊತ್ತ ಪ್ರೀತಿಯ ಪಲ್ಲಕ್ಕಿ
ಕಾಣದ ಹೃದಯದ ಬೆಸುಗೆಯ ಬಿಂಬಿಸೋ
ಆಶಾಕಿರಣಗಳ ಹೊತ್ತ ಭಾವನೆಗಳ ಮುಂಬತ್ತಿ 

ಬಿಟ್ಟೋಗೋ ದಾರೀಲಿ ನದಿಯೊಂದು ಮೂಡಿದೆ

ಬಿಟ್ಟೋಗೋ ದಾರೀಲಿ ನದಿಯೊಂದು 
ಮೂಡಿದೆ ಕಣ್ಣೀರ ಕಥೆಗೆ ಬದುಕಿನ
ಏರಿಳಿತ ನೋವಿನ ಮಳೆಯಲ್ಲಿ
ಮಿಂದೆದ್ದು ಅಂತ್ಯದ ದಿಕ್ಕಿಗೆ ಹೊರಟಿದೆ

ಇಷ್ಟೆಲ್ಲ ಅದ್ಮೇಲೂ ಸುಮ್ನಿರು ಅಂದ್ರೆ
ಮನಸಲ್ಲಿ ಸುನಾಮಿ ಆಗೋದು ಪಕ್ಕನೆ
ಕೊನೆ ತನಕ ಜೊತೆ ಇರ್ತೀನಿ ಅಂದೋರು
ಕಣ್ಣೀರನ್ನೇ ಜೊತೆ ಮಾಡಿ ಹೋಗ್ಬಾರ್ದು

ಒಂಚೂರು ಕೋಪಿಷ್ಠೆ

ಒಂಚೂರು ಕೋಪಿಷ್ಠೆ ನನ್ ಹುಡುಗಿ
ನಗು ನಗ್ತಾನೇ ಅಳ್ತಾಳೆ ರೀಸನ್ ಇಲ್ದೇನೆ
ಸಮಾಧಾನ ಮಾಡೋದ್ರಲ್ಲೇ ಕಳೆದು
ಹೋಯ್ತು ರೀ ನನ್ನ ಈ ಅರ್ಧ ಆಯಸ್ಸು

ಸಡನ್ ಆಗಿ ಚೇಂಜ್ ಆಗ್ತಾಳೆ ಹೇಳ್ದೆ ಕೆಳ್ದೆನೆ
ಬಿಪಿ ರೋಗಾನು  ಶುರು ಆಗಿ ಬಿಟ್ಟಿದೆ
ಇವಳು ಕೊಡೊ ಟೆನ್ಶನ್ ಗೆ ಏನ್ ಮಾಡೋದು
ಹೇಳಿ ಮನಸಲ್ಲಿ ಇವಳೊಬ್ಬಳೇ ಸೆಟ್ಟ್ಲಾಗಿ ಬಿಟೌಳೆ

ಬಾಲ್ಯದ ಬಿಡಾರ

ಬಾಲ್ಯದ ಓಟ ಖುಷಿಯ ಚಪ್ಪರದತ್ತ
ಇಂದಿನ ಓಟ ನೆಮ್ಮದಿಯ ಹಿಂಡುವತ್ತ
ಶೂನ್ಯ ಕನಸಲ್ಲಿ ನೆಮ್ಮದಿಯಿತ್ತು
ನಾಳೆ ಎಂಬುದು  ನಕಾಶೆ ಸೇರಿತ್ತು

ಚಂಚಲ ಮನಸ್ಸಿನ ಪರದೆಯಲ್ಲಿ
ನಾಟಕೀಯ ಬೆಳವಣಿಯದ್ದೇ ಗುಂಗು
ಸಾಮಾಜಿಕ ತಾಣಗಳೇ ಪ್ರಕೃತಿ ತಾಣಗಳಾಗಿವೆ
ವಸ್ತುಗಳೇ ಒಡನಾಡಿಗಳು ವಾಸ್ತವ ವಾಕರಿಕೆಯಾಗಿದೆ

ಬದುಕ ಬಿಡಾರ ಬರವಿಲ್ಲದೆ ಸಾಗಿತ್ತು
ನಗುವಿನ ದೋಣಿ ಅಂಬಿಗನಿಲ್ಲದೆ ಸಾಗಿತ್ತು
ಬದುಕು ಸಣ್ಣ ಹೊಂಡದ ಕಪ್ಪೆಯಂತಿದ್ದರು
ಖುಷಿಯ ಕಣಜವೇ ನಮ್ಮ ಕೈಯಲ್ಲಿತ್ತು

ಸಮುದ್ರವೇ  ಕೈಯಲ್ಲಿದ್ದರು ಖುಷಿಯ
ಹನಿಗಳು ಜೇಬಿನಲ್ಲಿ ಉಳಿಯುತ್ತಿಲ್ಲ
ಯೋಚನೆಗಳು ಸಾವಿರಾರು ಬಂದು
ಉಳಿದವರಿಗಿಂತ ಹೋಗುವವರೇ ಜಾಸ್ತಿ

ಹುಟ್ದಗಿಂದ ನೆಟ್ಟಗಿಲ್ಲ

ನಾನಂತೂ ಹುಟ್ದಗಿಂದ ನೆಟ್ಟಗಿಲ್ಲ
ಸುಮ್ನೆ ಅಂತೂ ಇರೋದೇ ಇಲ್ಲ
ಮಾಡೋದೆಲ್ಲ ತಲೆಕೆಟ್ ಕೆಲಸ
ತರ್ಲೆ ಮಾಡೋ ತಿರಬೋಕಿ ಲೈಫು
ಮೆಚ್ಚಿದೆ  ಮೆಚ್ಕೋಳಿ ಇಲ್ಲ ಅಂದ್ರೆ
ಇರುವೆನಾ ಬಿಟ್ಕೊಳಿ ಬಿಟ್ಕೊಳಿ

ಚಿಕ್ಕದಂತಾ ಫ್ಯಾಷನ್ ಅವಾಗ ಅವಾಗ
ಮಾಡ್ತೀನಿ ಗಡ್ಡ ಮೀಸೆ ಅಂತೂ ತಗಿಯೋಕೆ
ಬೇಜಾರು ವಜ್ರಮುನಿ ಲೂಕ್ಕಿಗೇನು ಕಡಿಮೆ ಇಲ್ಲ
ನೋಡೋರ್ಗೆ ಬೇಜಾರು ನಂಗಂತೂ ನೋ ಟೆನ್ಶನ್
ದೊಡ್ಡ ದೊಡ್ಡ ಕನ್ಸ್ಗಳು ನಂಕೈಯಲ್ಲಿ ನಿಲ್ಲಲ್ಲ
ಒಟ್ನಲ್ಲಿ ಯಾವಾಗೂ ಹ್ಯಾಪಿ ನೇ ಬಿಂದಸ್ಸು ನನ್ ಲೈಫು

ಮುಗ್ದ ಮನದವಳು

ಒಂಚೂರು ಹುಸಿ ಕೋಪದವಳು
ಇವಳ ಕಂಡರೆ ಎಲ್ಲರಿಗೂ ಇಷ್ಟ
ನಿಭಾಯಿಸುವುದು ಬಲು ಕಷ್ಟ
ಮುಗ್ದ ಮಗುವಿನ ಮನದವಳು

ಹಗಲಲ್ಲೇ ಕಾಡುವ ಮೋಹಿನಿ ಇವಳು
ಇನ್ನ ರಾತ್ರಿಯ ಕಥೆ ಬಿಡಿ ಕಣ್ಣೀರ ವ್ಯಥೆ
ಸರಳ ನಗುವೇ ಇವಳಿಗೆ ಸರಮಾಲೆ
ಹಚ್ಚಿ ಕೊಂಡರಂತೂ ಕಚ್ಚೆ ತಿನ್ನುವಳು

ಬಲು ಬೇಜಾರು ಇವಳಿರದ ದಿನ
ವಟ ವಟ ಕಪ್ಪೆಯು ಸುಮ್ಮನಾಗವುದು
ಇವಳಿಗೆ ಪೈಪೊಟಿ ಕೊಡಲಾಗದೆ ಇನ್ನ
ಜೊತೆ ಇರುವವರ ಕಥೆ ಗೋವಿಂದ ಗೋವಿಂದ

ನಂಬಿದರೆ ನದಿಯನ್ನೇ ಹರಿಸುವಳು
ಕಾರಣವಿಲ್ಲದೆ ಕಣ್ಣೀರು ಹಾಕುವಳು
ಆದರೂ ಸೀದಾ ಸಾದಾ ಹುಡುಗಿ
ಸಿಗುವುದು ಬಲು ಅಪರೂಪ ನೋಡಿ 

ಮಧ್ಯಂತರ

ಖುಷಿಯ ಹೊತ್ತು ನಡುವೆ ನಿಂತು
ನಾಳೆ ಕನಸ ಇಂದೇ ಭಜಿಸಿ
ಊಹೆಯ ನಿಲುಕಿಗೆ  ನಡುಕ ಕಂಡು
ಭಯದ ಬೆನ್ನೇರಿ ಬದಲಿಸೋ ದಾರಿ

ಆಗಿದ್ದು ಆಗಲಿ ಆಗುವುದು ಆಗಲಿ
ನುಗ್ಗಾಟ ನಿನದು ಜಗ್ಗಾಟ ಪರರದು
ತೂಗುತ್ತಿದೆ ತೂಗುಯ್ಯಾಲೆ ತಲೆಮೇಲೆ
ಪರದೆ ನಿನದೆ ಉತ್ತರವೂ ನಿನ್ನಿಂದಲೇ

ಪ್ರೀತಿಯ ಗರಿ

ನನ್ನ ಪ್ರೀತಿಯ ಪ್ರಪಂಚಕ್ಕೆ
ನೀನೊಬ್ಬಳೇ ರಾಣಿ ಎಂದೆಂದಿಗೂ
ನಾಳೆಯ ನೆಮ್ಮದಿಗೆ ಕಟ್ಟೋಣ
ಪುಟ್ಟ ಗೂಡೊಂದನ್ನು ಪ್ರೀತಿಯ ಗರಿಗಳಿಂದ

ಸಂದೀಮೂಲೆಯೊಲ್ಲೊಂದು ಬರಹ

ಸಂದೀಮೂಲೆಯೊಲ್ಲೊಂದು ಶಬ್ದ
ಗಹಿಸುತಿತ್ತು ತನ್ನ ಮೆರುಗ ಬಣ್ಣಿಸಲು
ಓರೆ ಹಚ್ಚಲು ನಾ ನಿರಾಯುಧನಾದಾಗ
ಬರೆತು ಇಟ್ಟೇ ಅದರ ವಿಸ್ಮಯ ಪದಪುಂಜದಿಂದ

ಕಾರಣವಿಲ್ಲದ ರಣ ಕಹಳೆ

ನಿನ್ನೆಲ್ಲವ ಸಿಟ್ಟು ನನ್ನೊಬ್ಬನ ಮೇಲೆ
ಏತಕೆ ಈ ಕಾರಣವಿಲ್ಲದ ರಣ ಕಹಳೆ
ಯುದ್ಧ ಮಾಡದೆ ಸೋಲೊಪ್ಪಿಕೊಂಡಿಹೆನು
ನಿನ್ನ ಹೆಸರ ಬಾಳ ಜೇಬಲ್ಲಿ ಬಂದಿಸಿಕೊಂಡು

ಮುಸ್ಸಂಜೆ ಹೊತ್ತಲ್ಲಿ

ಮುಳುಗುತಲಿತ್ತು ಆ ರವಿಯ ಕಿರಣ
ತೆರೆಯುತಿತ್ತು ನಕ್ಷತ್ರಗಳ ಆವರಣ
ಬೂಮಿಯೇ ಬೆಂಡಾಗಿ ಆಕಾಶವೇ
ತಿಳಿನೀಲಿಯಾಗಿ ಕಣ್ಣಲ್ಲೇ ಸೇರಿತ್ತು

ಕೊನೆಯುಸಿರ ಆ ಕಿರಣ
ಹೊಸಯುಸಿರ ಆ ಚಂದಿರ
ಮೋಡಕ್ಕೆ ಮುತ್ತಿಕ್ಕುವ
ಅಲೆಯಾಗಿ ನೆಲೆನಿಲ್ಲುವಾಸೆ

ಸಾಧನೆ ಸೂರಿಗೆ ನಿನ್ನದೇ ಹಂಚು

ಜಯಿಸೋ ದಾರಿ ಮುಂದೆ ನಿಂತಿದೆ
ಹಿಂದೆ ನಿಂತರೆ ಹಿಂದೆ ಉಳಿವೆ
ಕಂಡ ಕನಸ್ಸು ಪೂರ್ಣ ಗೊಳಿಸು
ಸಾಧನೆ ಸೂರಿಗೆ ನಿನ್ನದೇ ಹಂಚು


ಮರೆತು ಬಿಡು ಹಳೆಯ ಸೋಲು
ನೋವು ನುಂಗಿ ನಡೆ ಮುಂದೆ
ಸಹನೆಯೊಂದು ಜೊತೆಗೆ ಇರಲಿ
ಮುಂದೆ ಬರುವ ಗೆಲುವು ನಿನದೆ

ಬಂದಿಯಾಗೋ ಮನಸ್ಸೇ

ಬಂದಿಯಾಗೋ ಮನಸ್ಸೇ
ಯಾಕೆ ಹೀಗೆ ಮುನಿಸ್ಸು
ಸುಮ್ಮನೆ ಇರಲೂಬಹುದೇ
ಮೌನದ ಮಾತು ನಿಲ್ಲಿಸಿ