ಕಂದ

ಮತ್ತೆ ಕಂದನಾಗುವ ಆಸೆ ನನಗಿಂದು ಅನಿಸಿದೆ
ಹಿಂದಿನದು ನೆನೆಪಿಲ್ಲಾ ಇಂದಿನದು ಹೊಳಪಿಲ್ಲ
ಎಲ್ಲಾ ಆಟಿಕೆಗಳು ನನಗೆ ಬೇಕು ನನ್ನ ನಗುವು ಎಲ್ಲರಿಗು ಬೇಕು
ಮನಸಲ್ಲಿ ಹುರುಳಿರಲಿಲ್ಲ ತುಂಟಾಟಿಕೆಗೆ ಬರವಿರಲಿಲ್ಲ

ಗಿಡ ಗಂಟೆಗಳು ನಾಚಿದ್ದವು ನನ್ನಯ ಸ್ಪರ್ಶಕ್ಕೆ
ಹಕ್ಕಿಗಳು ಹತ್ತಿರಾಗುತ್ತಿದ್ದವು ನಾ ಕಟುಕನಲ್ಲವೆಂದು
ಆಕಳ ಕರುವು ಮುದ್ದಿಸಿತ್ತು ತನ್ನ ಹಗ್ಗವ ಕೈಜಾರಿಸುವೆನೆಂದು
ಚಂದಮಾಮನು ಜೊತೆಗಾರನಾಗಿದ್ದ ನನ್ನ ಕುಡಿ ನೋಟದ ನಗುವಿನಿಂದ