ಇರುವೆ

ಹನಿ ಹನಿಯ ಸಾಲಿನಲ್ಲಿ ಸಾಗುತಲಿತ್ತು
ಸಾಸಿವೆಯ ಆಭರಣಗಳು ಎಂತದೋ
ಆತ್ಮಸ್ತ್ರೈರ್ಯ ಎಂತದೋ ಗೆಳೆತನ
ಒಂದಾನೊಂದು ಬಿಟ್ಟು ಕೊಡದ ಬೆಸುಗೆ
ಕಲಿಯಲೇ ಬೇಕು ಒಡನಾಡಿಗಳ ಭಾಂದೌವ್ಯಕ್ಕೆ 

ಎಂತ ಬಲಶಾಲಿಯೂ ಅಂಜಲೇಬೇಕು
ಮೃತ್ಯು ಕೂಪಕ್ಕೆ ಎಳೆದೊಯ್ಯೋ ತಾಕತ್ತಿಗೆ
ಸಣ್ಣಿದ್ದರೇನು ಹೊತ್ತೊಯ್ಯುವುದು ಮೂರು
ಪಟ್ಟು ಯಮನನ್ನು ಮೀಸೆ ತಿರುಗಿಸಿದರೆ
ಬಿತ್ತೋ ಆಪತ್ತು ನಿಮ್ಮ ಜೇಬಿಗೆ ಪಕ್ಕನೆ

ಕಳ್ಳರ ದಿಬ್ಬಣ

ಕಳ್ಳರ ದಿಬ್ಬಣ ಸಾಗುತಲಿತ್ತು ಮುಸುಕಿನ ವೇಷದಲ್ಲಿ
ಎಲ್ಲದ ಚಿತ್ತ ಇವರತ್ತ ಎತ್ತ ಸಾಗುವವರೆಂದು
ಕದ್ದು ಮುಚ್ಚಿ ಓಡಾಡಿ  ಯಾರ ಮೆಚ್ಚಿಸುವರೆಂದು
ಕೊನೆಗುಳಿಯುವುದು ಒಂದೇ ಕಪ್ಪು ಚುಕ್ಕೆ
ಬೃಹದಾಕಾರದ ಬದುಕಿನ ಏರುಪೇರಿಗೆ 

ಅರ್ಥಪೂರ್ಣ

ಮುಂದೆ ಪಯಣಿಸುವ  ಹುಮ್ಮಸ್ಸು ಹೆಮ್ಮರವಾಗಿದೆ
ಆಸೆಗಳಿಗೆ ಆಣೆಕಟ್ಟು ಕಟ್ಟಲಾಗದು ಬರಡಾಗುವ ತನಕ
ಸೂಕ್ಷ್ಮ ಸಂದೇಶಗಳಿಗೆ ಬೆಲೆಕೊಡುವವರಿಗೆ ಬೆಲೆಬಾಳುವುದು
ಜೀವನದ ನಂಟು ಉಸಿರಿರುವ ನಿಲ್ಲುವುದು ಮೂರು ಗಂಟು

ನಂಟುಂಟು ನನಗೆ ಒಂಟಿತನದಲ್ಲಿ

ನಂಟುಂಟು ನನಗೆ ಒಂಟಿತನದಲ್ಲಿ
ಪ್ರಶ್ನೆಗಳಿಗೆ  ಉತ್ತರವುಂಟು ನನಗೆ ಒಂಟಿತನದಲ್ಲಿ
ಹೆಮ್ಮರವಾದ ನೆನಪುಗಳುಂಟು ನನಗೆ  ಒಂಟಿತನದಲ್ಲಿ
ಸಿಹಿಯಾದ ನೋವುಗಲುಂಟು ನನಗೆ ಒಂಟಿತನದಲ್ಲಿ
ಒಬ್ಬಂಟಿಗನಲ್ಲ ನಾನು ನಂಟುಗಳೇ ನೆಂಟರಾದಾಗ

ಮುಗಿಲ ಮೇಲೇರಿ ಕುಳಿತು

ಕನಸೊದ್ದು ಮಲಗಲು ಆಗುತ್ತಿಲ್ಲ
ನಿನ್ನದೊಂದೇ ಕನಸ್ಸು ಕಣ್ತುಂಬಿರಲು
ಪ್ರತಿ ಕ್ಷಣವೂ ನಿನ್ನದೊಂದೇ  ಬಿಂಬ
 ಮನಸಲ್ಲಿ ದೂಳೆಬ್ಬಿಸುತ್ತಿದೆ

ಯಾರ ನಯನಕ್ಕೂ ನಾಚದ ನಾನು
 ನಿನ್ನ ಗಾಂಭೀರ್ಯಕ್ಕೆ  ಜೋತುಬಿದ್ದೆ
ಮನಸೋ ಇಚ್ಛೆ ಪ್ರತಿ ದಿನವೂ ಕಳೆದೋಗುತ್ತಿದೆ
ಮುಗಿಲ ಮೇಲೇರಿ ಕುಳಿತು

ಉಳಿಗಾಲ

ಉಳಿಗಾಲ ನಂಗಿಲ್ಲ ಮುನ್ನುಗ್ಗೋ ಮಾರಾಮಾರಿಯಲ್ಲಿ
ಸೊಲೊದೆ ಕೊನೆಯಲ್ಲ ಜಯದ ಋಣವಿಲ್ಲದಿದ್ದಾಗ
ಮೈ ಕೊಡವಿ ಮೇಲೆದ್ದು ಓಡಿದರೆ ಬೆಲೆಯುಂಟು ಬದುಕಿಗೆ
ಛಲಗಾರ ನಿನಲ್ಲೇ ಅಡವಿಹನು ಎದ್ದೇಳೋ ಬಹು ಬೇಗ

ತೂಕ

ಚತುರತೆಯ ಸರದಾರನಿಗೆ ತೂಕದ ಮಾತೆ ಮುತ್ತಿನ ಉಂಗುರ
ಹೃದಯದಲ್ಲಿರುವ ಬಾವನಲಹರಿ ಅನುಪಾತಕ್ಕೆ  ಪ್ರೀತಿಯೇ ತೂಕ
ಉತಮ್ಮ ಬದುಕಿನ ಚಲಾವಣೆಗಾರನಿಗೆ ಗೌರವವೇ ತೂಕ
ಬಾಳ ಪುಸ್ತಕದ ಮಗ್ಗಿಗೆ ಸಜ್ಜನರ ಸಹಬಾಳ್ವೆವೆ ತೂಕ
ಪ್ರಪಂಚದ ಜ್ಞಾನ ಬಂಡಾರ ಅರಿಯಲು  ಪುಸ್ತಕ ಬಲವೇ ತೂಕ 

ಬಂಗಾರದ ಬೇಟೆ

ಬಂಗಾರದ ಬೇಟೆಗೆ  ಕಾದಿರುವ ಹುಚ್ಚು ಹೋರಾಟಗಾರನಿಗೆ
ಕಾರ್ಯ ಸಿದ್ದಿ ಆಗುವ ಆಲೋಚನೆಯೊಂದೇ ಸಾಲದು
ಬೇಟೆಯ ಬೆಲೆಯೂ ಮುಂದಿನ ಗುರಿಯು ಗೊತ್ತಿರಬೇಕು
ಮೋಹಕ್ಕೆ ಸಿಲುಕಿ ಗುರಿ ಇಟ್ಟ ಬಾಣ ತಪ್ಪದಿರಬೇಕು

ನಿರೀಕ್ಷಣೆ

ಅರಳಿದ ಹೂವು ಬಾಡಲೇ ಬೇಕು ಈ ಬಡಕಲು ಜೀವನದಲ್ಲಿ
ಎಲ್ಲದೂ ಶಾಶ್ವತವಲ್ಲ ಉಸಿರೋದೇ ಶಾಶ್ವತ ನಿಲ್ಲುವ ತನಲ
ಖುಷಿಯ ಹೊದ್ದು ಮಲಗುವುದು ಕಷ್ಟ ಮರೀಚೆಯಾಗುವುದು ಕ್ಷಣದಲ್ಲೇ
ಕೊನೆಯಲ್ಲಿ ತೇಲುವುದು ದೋಣಿ  ಕಣ್ಣೀರಿನ ಜನಸಾಗರದಲ್ಲಿ ಸಿಲುಕಿ
ಆಲೋಚನೆಯ ಆಗು ಹೋಗುಗಳು ಆಹಾರ ವಾಗದು ಉದರ ನಿಮಿತಕ್ಕೆ
ನಿರೀಕ್ಷಣೆ ಬಿಟ್ಟು ಬಿಡುವುದೇ ಲೇಸು ಭಾವನೆಗಾದರು ಬೆಲೆ ಉಳಿಯುವುದು

ಆಸರೆ

ಸಣ್ಣ ಬಳ್ಳಿಗೂ ಬೇಕು ಸೂಜಿ ಮರದ ಆಸರೆ
ಯಾರ ಸಾಧನೆಗೆ ಯಾರು ಅಡ್ಡಿಯಲ್ಲ
ನಿಮ್ಮ ಮೇಲೆ ನಿಮಗೆ ನಂಬಿಕೆಯಿರಬೇಕು
ನನ್ನದೊಂದೇ ಎನ್ನುವ ಲೋಭ ತರದು ಲಾಭ

ಸಾಧನೆಯ ಹಾದಿಗೆ ಸಾಸಿವೆಯೂ ಶೃಂಗರಿಸುವುದು
ಕೊಡೆಹಿಡಿಯಲು ಬೇಕು ಆಪ್ತರು ಹುಡುಕಲೇಬೇಕು
ನಾಳೆಯ ಸಮೃದ್ಧ ಕನಸಿನ ಬೇಟೆಗಾಗಿ
ವಿಯಯೋತ್ಸವ ನಿಮ್ಮದೇ ಎಲ್ಲರ ಜೊತೆ ಇರಲು

ಹೂ ಅಂದರೆ ಅಷ್ಟೇ ಸಾಕು

ಹೂ ಅಂದರೆ ಅಷ್ಟೇ ಸಾಕು ಬಿಟ್ಟು
ಬಿಡುವೆನು ಶೂನ್ಯ ಸುಖದ ಅಂತಸ್ತನ್ನು
ಅಲೆಮಾರಿಗಳಾಗಿ ಬದುಕಿ  ಬಿಡೋಣ
ಕೇಳುವವರುಗೂ ತಾಪತ್ರಯವಿಲ್ಲ
ಜೀವನವೇ ಜೋಕಾಲಿ ಹಗ್ಗ ಜಗ್ಗಾಟವಿಲ್ಲ
ಯಾರದ್ದು ಮೂರು ಕಾಸಿಗಾಗಿ 

ಗೊತ್ತಿಲ್ಲ ಗೊತ್ತಿಲ್ಲ

ಅತ್ಯಭೂತ ವಾಕ್ಯದ ಅಂತರಾತ್ಮವ ಸಂದಿಮೂಲೆಗೆ ಸರಿಯೋ ಆಯಾಮ
ವರ್ತಮಾನದಲ್ಲೇ ಗತಕಾಲ ಸೇರಿಸಿ ಗತಿಗೆಡಿಸಿ ಗಡಿಪಾರು ಮಾಡೋ ಉತ್ಸುಕತೆ
ಅಲ್ಪ ಅಂತರದೆಲ್ಲೆ ಬಚಾವಾಗೋ ಜಾಣ್ಮೆಯ ನಾಜೂಕು ಕೌಶಲ್ಯ
ತೆರೆಸೋ ಕಣ್ಣಿಗೆ ಪೊರೆಯ ಎಳೆದು ಸುಚಂಕದಲ್ಲೇ ನಿಲ್ಲೊಸೊ ಕಲ ಚಾತುರ್ಯತೆ 

ಮಲಗೆ ನನ್ನ ರಾಜಕುಮಾರಿ

ಮಲಗೆ ನನ್ನ ರಾಜಕುಮಾರಿ ಇರುಳು ಕವಿದಿಹುದು
ಹೊಸ ಸ್ವಪ್ನಗಳು ಕಾದಿವೆ ನಿನಗಾಗಿ ನಿದ್ರಿಸು ನೀದಾನವಾಗಿ
ನಿನ್ನ ಮೊಗದ ಬೆಳಕ ನೋಡಿ  ಚಂದಿರನು ಆಚೆ ಬಂದ
ಅಮಾವಾಸೆಯಲ್ಲೂ ಬೆಳಕ ಚೆಲ್ಲೋ ಚಲುವೆ ಯಾರು ಎಂದ 

ಕೊಂದುಬಿಡು ಒಮ್ಮೆಲೆ

ಕೊಂದುಬಿಡು ಒಮ್ಮೆಲೆ ಕಾಡಬೇಡ ಹೀಗೆಲ್ಲಾ
ಭಾವನೆಗಳಿಗೂ ಬೇರುಗಳಿವೆ ಕೀಳಲಾಗದು ಒಂದೇಸಲಿಗೆ
ಮೌನವೇ ನಿರುತ್ತರವಾದರೆ ನಿಸ್ವಾರ್ಥ ನಿವೇದನೆಗೆ ಬೆಲೆ ಎಲ್ಲಿ
ಆಡಿಸೋ ಜಾಣ ನಿನ್ನದೇ ಆಟ  ಈ ಭಾವನಾಲಹರಿ ಬದುಕಲ್ಲಿ 

ನಾಜೂಕು ನಾರಿ

ಪರಿಶುದ್ಧ ನಗುಮೊಗದ ನಾಜೂಕು ಕನ್ಯೆ
ಮಾತಲ್ಲಿ ಪಾರಾಗೋ ಪರಿಪೂರ್ಣ ಜಾಣೆ
ಜಂಭದಲ್ಲಿ ಜಂಬೂಸವಾರಿಯನ್ನೇ ಮೀರಿಸೋ ನಾರಿ
ಮುನಿಸೋ ಮುಖವಾಡ ಮಂಕಾಗುವುದು ನಿನ್ನ ಮೊಗದ  ಛಂದಸ್ಸಿಗೆ

ಮೊದಲ ಸವಾಲು

ಹೊಸ ಸವಾಲಿಗಾಗಿ ಕಾದಿದೆ ಹೊಸ ತನವ ಹೊತ್ತ
365 ದಿನಗಳೆಂಬ ಐಷಾರಾಮಿ ಅದ್ಭುತಗಳು
ಕವಲೊಡೆಯೋ ಯಶೋಗಾದೆ ಸಮೀಪದಲ್ಲಿದೆ
ಸಾದಿಸೋ ಚಲಗಾರ  ಹೊಸ ಛಂದಸ್ಸಿನಿಂದ ಮುನ್ನಡೆಯಬೇಕಿದೆ
ಅದ್ಭುತಗಳು ನೆರವೇರುವುದು ನಿಮ್ಮ ಏಕಾಗ್ರತಾ ನಡೆಯಿಂದಾಗಿ