ಮತದಾನ

ಗೆಲ್ಲಿಸಿ ಬಿಡುವೆವು ಇನ್ನೊಮ್ಮೆ
ಕಾಣಲು ಸಿಗುವಿರಾ ಮತ್ತೊಮ್ಮೆ
ಮಲಗಿದ ಶೂರರು ಎದ್ದಿಹರು ಮಗದೊಮ್ಮೆ
ಓಟು ಕೊಡಿ ಎಂದು ಬೇಡುತಿದ್ದರೆ ಒಂದೊಮ್ಮೆ

ನಿಮ್ಮದೇ ಆಡಳಿತ ಮುಂದಿನ ಐದು ವರ್ಷ
ಪ್ರಜೆಗಳಿಗೆ ತರಲಿ ಒಂಚೂರು ನೆಮ್ಮದಿಯ ಹರ್ಷ
ಮತ್ತೆ ಹುಟ್ಟು ಹಾಕದಿರಿ ಜಾತಿಗಳ ನಡುವೆ ಸಂಘರ್ಷ
ಅಲ್ಪವಾದರೂ ಕೆಲಸ ಮಾಡಿ ಮುಂದಿನ ಐದು ವರ್ಷ

ನಮ್ಮೆಲ್ಲ ಕೆಲಸವ  ಬಿಟ್ಟು ಮಾಡುತ್ತಿದ್ದೇವೆ ಮತದಾನ
ಪ್ರತಿಯೊಬ್ಬರೂ ಮಾಡುತ್ತಿದ್ದರೆ ನಿಮಗೆ ಮಹಾದಾನ
ಸ್ವಲ್ಪವಾದರೂ ಉಳಿಸಿಕೊಳ್ಳಿ ನಿಮ್ಮ ನಂಬಿಕೆಯ ವರದಾನ
ಪ್ರತಿಯೊಬ್ಬರ ಹಕ್ಕು ತಪ್ಪದೆ ಮಾಡಿ ನಿಮ್ಮ ದಾನ ಮತದಾನ