ಬಾಲ್ಯದ ಬಿಡಾರ

ಬಾಲ್ಯದ ಓಟ ಖುಷಿಯ ಚಪ್ಪರದತ್ತ
ಇಂದಿನ ಓಟ ನೆಮ್ಮದಿಯ ಹಿಂಡುವತ್ತ
ಶೂನ್ಯ ಕನಸಲ್ಲಿ ನೆಮ್ಮದಿಯಿತ್ತು
ನಾಳೆ ಎಂಬುದು  ನಕಾಶೆ ಸೇರಿತ್ತು

ಚಂಚಲ ಮನಸ್ಸಿನ ಪರದೆಯಲ್ಲಿ
ನಾಟಕೀಯ ಬೆಳವಣಿಯದ್ದೇ ಗುಂಗು
ಸಾಮಾಜಿಕ ತಾಣಗಳೇ ಪ್ರಕೃತಿ ತಾಣಗಳಾಗಿವೆ
ವಸ್ತುಗಳೇ ಒಡನಾಡಿಗಳು ವಾಸ್ತವ ವಾಕರಿಕೆಯಾಗಿದೆ

ಬದುಕ ಬಿಡಾರ ಬರವಿಲ್ಲದೆ ಸಾಗಿತ್ತು
ನಗುವಿನ ದೋಣಿ ಅಂಬಿಗನಿಲ್ಲದೆ ಸಾಗಿತ್ತು
ಬದುಕು ಸಣ್ಣ ಹೊಂಡದ ಕಪ್ಪೆಯಂತಿದ್ದರು
ಖುಷಿಯ ಕಣಜವೇ ನಮ್ಮ ಕೈಯಲ್ಲಿತ್ತು

ಸಮುದ್ರವೇ  ಕೈಯಲ್ಲಿದ್ದರು ಖುಷಿಯ
ಹನಿಗಳು ಜೇಬಿನಲ್ಲಿ ಉಳಿಯುತ್ತಿಲ್ಲ
ಯೋಚನೆಗಳು ಸಾವಿರಾರು ಬಂದು
ಉಳಿದವರಿಗಿಂತ ಹೋಗುವವರೇ ಜಾಸ್ತಿ