ಅವಳು

ನನ್ನಲ್ಲಿನ ನಾನಲ್ಲದವನನ್ನು ಸೃಷ್ಟಿಸಿ
ಪ್ರೀತಿಯ ನೈವೈದ್ಯ ಬಡಿಸಿದವಳು
ನನ್ನ ಭಾವನೆಗಳ ಚಿಪ್ಪಿಗೆ
ಮುತ್ತುಗಳನ್ನು ತುಂಬಿಸಿ  ಜೊತೆಯಾದವಳು

ಇವಳೇ ಅವಳು ನನ್ನ ಸಾವಿರ
ದಿನಗಳ  ನಿದ್ದೆ ಗೆಡಿಸಿದವಳು
ಇವಳೇ ಅವಳು ಸಾವಿರ ವರ್ಷಗಳಿಂದ
ಕಾಯುತ್ತಿದ್ದ ಅದ್ಬುತ ಸುಂದರಿ

ಅವಳೆಂದರೆ ಪರಿಪೂರ್ಣ
ಅವಳೆಂದರೆ ಸಂಪೂರ್ಣ
ಅವಳಂದರೆ ಸಂತೋಷ
ಅವಳಂದರೆ ಪ್ರಪಂಚ

ಅದ್ಬುತ ಸುಂದರಿ

ನಾ ಕಂಡೆ  ಅದ್ಬುತ ಸುಂದರಿಯ ನಿನಲ್ಲಿ
ಸೋಲಲು ಇನ್ನೇನು ಬೇಕು ನಾ ನಿನ್ನ ನೋಡಿದ ಮೇಲೆ
ಹೃದಯವೇ  ಕೈಜಾರಿದೆ ನೀ ನನ್ನ ಉಸಿರಾದಮೇಲೆ
ಓ ನನ್ನ ಬೆಳದಿಂಗಳ ಬಾಲೆ ನೀನಾದೆ ನನ್ನ ಬದುಕಿನ
ನಿತ್ಯ ಹಸಿರಿನ ಬಣ್ಣದ ಬದುಕಿನ ಕಥಾನಾಯಕಿ

ಮಣ್ಣಿನ ದೋಣಿ

ಬದಲಾಗೋ ದೂಳಿನ ಕಣದಲ್ಲಿ
ಮೂರಂಕಿ ದಾಟದ ಆಯಸ್ಸು ಹಿಡಿದು
ಕನಸಿನ ಪೊರೆಯ ಜಾಲದಲ್ಲಿ ಸಿಕ್ಕ  ಮೀನಂತೆ
ಕೃತಕ ನೀರಲ್ಲಿ ಗಾಳಿಯ ಹುಡುಕ್ಕುತ್ತಿರುವೆ

ಏಕಾಂಗಿ

ನಂಗಿನ್ನೂ ಗೊತ್ತಿಲ್ಲ
ಏಕಾಂಗಿ ನಾನಂತ
ನನ್ನವರೇ ನಂಹಿಂದೆ
ಬರುತ್ತಿಲ್ಲ ಎಂದು

ಒಬಂಟಿ ನೋವಲ್ಲು
ಸಾಂತ್ವನ ಹೇಳಿದ್ದು
ನನ್ನನ್ನೇ ಅಣುಕಿಸಿದ
ನನ್ನೊಳಗಿನ ಅಜ್ಞಾತ ವ್ಯಕ್ತಿ

ನಿನ್ನ ಕಣ್ಣ ಕಡಲು

ನಿನ್ನ ಕಣ್ಣ ಕಡಲಿನಲ್ಲಿ
ನನ್ನ ಕಥೆ ಬರೆದಿದ್ದರೆ
ಸಾಕು ನನ್ನ ಜನ್ಮ ಸಾರ್ಥಕ
ನಿನ್ನೊಳಗೆ  ಸೇರಿದ ನನ್ನ ಕಥೆಗೆ

ಸಂಪತ್ತು

ನೀ ತಂದೆ ಪ್ರೀತಿಯ ಸಂಪತ್ತು
ಬಿಟ್ಟರೆ ನನ್ನ ಬಾಳಿಗೆ ಆಪತ್ತು
ನಮಗಿಲ್ಲ ಯಾವುದೇ ಷರತ್ತು
ನಂಬಿಕೆಯೊಂದೇ ಸಿಹಿ ಮುತ್ತು
ಬದುಕಿಗೆ ನೀನೊಬ್ಬಳೇ ಸ್ವತ್ತು

ಇಲ್ಲೇ ಎಲ್ಲದೂ ಅಡಗಿದೆ

ಇಲ್ಲೇ  ಎಲ್ಲದೂ ಅಡಗಿದೆ
ಮತ್ತೆಲ್ಲಿ ಹೋಗಲಿ ಹೊಸ
ಕದವ ತಟ್ಟಲು

ನನ್ನ ಕನಸಿನ ಗೂಡಿದು
ಮತ್ತೆಲ್ಲಿ ಹಾರಲಿ ಹೊಸ
ತೀರವ ಸೇರಲು

ಪ್ರೀತಿಯ ಪಾತ್ರೆಯ ಪಥದಲ್ಲಿ
ಪ್ರತಿಫಲಿಸುತ್ತಿರುವೆ ಪಾರದರ್ಶಕನಾಗಿ
ಇಲ್ಲೇ ಇರುವೆ

ನಾಳೆಯ ನೂಕು ನುಗ್ಗಲು
ಬೇಕಿಲ್ಲ ನನಗೆ ಇಂದಿನ
ನೆಮ್ಮದಿಯೇ  ಸಾಕು